Qazaqstan Jazýshylar odaǵynyń múshesi, belgili aitysker aqyn Nadejda Lýshnikova 86 jasqa qaraǵan shaǵynda dúnieden ótti. Qaraly habardy Qazaqstan Jazýshylar odaǵy málimdedi, dep habarlaidy ult.kz.
Nadejda Lýshnikova 1940 jyly 22 qarashada Almaty oblysynyń Shamalǵan aýylynda dúniege kelgen. Qazaq ortasynda tárbielenip, qazaq tilinde bilim alǵan ol ómirin ulttyq ádebiet pen aitys ónerine arnady.
1961 jyly Qyzylordadaǵy Mánshúk Mámetova atyndaǵy pedagogikalyq ýchilisheni, 1969 jyly Abai atyndaǵy Qazaq pedagogikalyq institýtynyń filologiia fakýltetin támamdaǵan.
Aqyn 1963 jyly Qyzylordada ótken oblystyq aitysta júldeger atandy. Onyń Qaldybek Áliqulovpen aitysy kinoǵa túsirilgen. Keiin aýdandyq jáne oblystyq deńgeidegi sóz saiystaryna qatysyp, birneshe márte jeńiske jetken.
Nadejda Lýshnikova ár jyldary gazette ádebi qyzmetker, baspada redaktor, mektepte muǵalim bolyp eńbek etti. 1985 jyldan bastap Jambyl aýdanyndaǵy Úmbetáli Káribaev murajaiyn basqardy.
Aqynnyń «Elim meniń» (1962) jáne «Kóńil hoshy» (1970) atty jyr jinaqtary jaryq kórdi. Sońǵy jinaǵy úshin Qazaqstan komsomoly syilyǵyna ie boldy.
Qazaqstan Jazýshylar odaǵynyń basqarmasy marqumnyń týǵan-týystary men jaqyndaryna, qalyń oqyrman qaýymǵa qaiǵyra kóńil aitty.
