Tsifrlyq otbasy kartasy qazaqstandyqtardyń tabysyn, múlkin, kóligin jáne nesie mindettemelerin eskerip, otbasylardy áleýmettik ál-aýqatyna qarai bes sanatqa bóledi.
Qazaqstanda otbasynyń áleýmettik ál-aýqatyn anyqtaý kezinde tek ai saiynǵy tabys kólemi ǵana emes, onyń menshigindegi baspana, kólik, jer telimi, kásipkerlik qyzmeti jáne nesie mindettemeleri de eskeriledi. Osy kórsetkishterdiń barlyǵy Tsifrlyq otbasy kartasy arqyly saralanyp, ár otbasynyń materialdyq jaǵdaiy men áleýmettik qoldaýǵa muqtajdyǵy baǵalanady. 2023 jylǵy 1 qańtardan bastap jumys istep kele jatqan júiege 20,6 million qazaqstandyq engizilgen. Olar 6,2 million otbasyǵa biriktirilgen. Otbasynyń áleýmettik jaǵdaiyn anyqtaý úshin 59 ólshemnen turatyn segiz negizgi baǵyt qarastyrylady. Olardyń qatarynda tabys deńgeii, turǵyn úi jaǵdaiy, menshiktegi múlik, kólik, jer ýchaskesi, kásipkerlik qyzmet, otbasy músheleriniń jumyspen qamtylýy jáne nesie boiynsha bereshekter bar.
Tsifrlyq otbasy kartasy qazaqstandyq otbasylardy ál-aýqatyna qarai bes sanatqa bóledi. A sanatyna ál-aýqaty joǵary, V sanatyna turmysy baqýatty, S sanatyna jaǵdaiy qanaǵattanarlyq, D sanatyna ekonomikalyq turǵydan osal, al E sanatyna ekonomikalyq jáne áleýmettik turǵydan osal otbasylar jatqyzylady. Máselen, A sanatyna engizý kezinde otbasynyń ár múshesine shaqqandaǵy tabysy jeti kúnkóris minimýmynan kem bolmaýy eskeriledi. Bul shamamen bir adamǵa 350 myń teńgege teń. Sonymen qatar otbasynyń menshigindegi jyljymaityn múlik, turǵyn úi kólemi, kommertsiialyq nysandar, jeke biznes pen avtokólikter de baǵalanady. Degenmen bir páterdiń nemese kóliktiń bolýy otbasynyń avtomatty túrde aýqatty sanatqa jatatynyn bildirmeidi. Sheshim birneshe kórsetkishtiń jiyntyǵyna qarai qabyldanady.
Sonymen birge memlekettik derekqorlardaǵy eskirgen nemese qate aqparat otbasynyń áleýmettik sanatyna áser etýi múmkin. Máselen, azamattyń menshiginde joq jyljymaityn múlik áli de onyń atyna tirkelip turýy, satylǵan kólik týraly málimettiń jańartylmaýy nemese qyzmetin toqtatqan jeke kásipkerliktiń resmi túrde jabylmaýy yqtimal. Mundai jaǵdaida otbasynyń naqty áleýmettik jaǵdaiy júiede durys kórsetilmeýi múmkin. Sondyqtan azamattarǵa ózderi jáne otbasy músheleri týraly málimetterdiń durystyǵyn tekserip otyrǵan jón. Qate aqparatty jyljymaityn múlikke, kólikke nemese kásipkerlik qyzmetke jaýapty memlekettik organdar arqyly túzetýge bolady. Derekter tiisti júiede jańartylǵannan keiin aqparat Tsifrlyq otbasy kartasyna avtomatty túrde túsip, otbasynyń áleýmettik ál-aýqat sanaty kelesi ailyq esepteý kezinde qaita anyqtalady. Tsifrlyq otbasy kartasynyń negizgi maqsaty – áleýmettik qoldaýǵa muqtaj azamattardy anyqtap, olarǵa tiisti kómek sharalaryn usyný.
