Astana – Petropavl tasjolynda bolǵan jol-kólik oqiǵasynan nebári tórt kúndik sábi zardap shekti. Qazir dárigerler onyń ómirin saqtap qalý úshin kúresip jatyr, dep habarlaidy ult.kz.
Sinegor.kz basylymnyń málimetinshe, áleýmettik jeli qoldanýshylary sábidiń anasy perzenthanadan úiine qaityp kele jatqanyn jazǵan.
Aqmola oblystyq Politsiia departamentiniń habarlaýynsha, jol apaty 7 qarashada Astana – Petropavl avtojolynyń 312-shaqyrymynda bolǵan. Apatqa Volvo júk kóligi, Hyundai Genesis jáne Lada Granta avtokólikteri qatysqan.
«Jol-kólik oqiǵasy saldarynan Hyundai Genesis kóliginiń júrgizýshisi men tórt jolaýshysy túrli dene jaraqattarymen meditsinalyq mekemege jetkizildi. Qazirgi ýaqytta sotqa deiingi tergeý amaldary júrgizilip jatyr. Onyń qorytyndysy boiynsha protsestik sheshim qabyldanady», – delingen politsiia habarlamasynda.
Beiresmi málimet boiynsha, jol apatynan taǵy bir kámeletke tolmaǵan bala zardap shekken. Úsh zardap shegýshi - eresek adam.
