Qazaqstandyq aralas jekpe-jek sheberi Shavkat Rahmonov jattyǵý barysy týraly aityp, UFC-ge oralýǵa daiyndalyp jatqanyn ańǵartty. Sportshy birneshe aidan beri alǵash ret áleýmettik jelide jazba jariialap, kún saiyn kúsheiip kele jatqanyn jetkizdi, dep habarlaidy ult.kz.
«Taǵy bir aýyr jattyǵý aptasy artta qaldy. Kún saiyn kúsheiip kelemin», - dep jazdy faiter X áleýmettik jelisinde. Ol birneshe aidan beri alǵash ret osy jelide jazba jariialady.
Shavkat Rahmonov sońǵy jekpe-jegin 2024 jyldyń jeltoqsanynda ótkizdi. Ol Ien Gerridi tóreshilerdiń biraýyzdan shyǵarǵan sheshimimen jeńdi. Osydan keiin qazaqstandyq sportshy tizesindegi jaraqatyna bailanysty úzilis alýǵa májbúr boldy.
Shavkattyń enshisinde 19 jekpe-jekte 19 jeńis bar. Alaida ol UFC oktagonyna qashan oralatynyn jáne kelesi qarsylasynyń kim bolatynyn ázirge aitqan joq.
