Álemdik fýtbol juldyzy Krishtianý Ronaldý Portýgaliia quramasyndaǵy mansabyn aiaqtaitynyn málimdedi. Ol bul týraly áleýmettik jelidegi paraqshasynda jariialaǵan beineúndeýinde aitty, dep habarlaidy ult.kz.
Fýtbolshy ulttyq quramanyń jetinshi nómirli jeidesin bolashaq urpaqqa tabystaityn ýaqyt kelgenin jetkizdi.
– 23 jyl boiy bul jeideni álemniń túkpir-túkpirindegi stadiondarda abyroimen kiip, qorǵadym. Goldar umytylady, júldeler mýzeilerde qalady, rekordtar jańarady. Biraq adamdardyń júreginen alǵan ornymyzdy ýaqyt óshire almaidy. Búgin ulttyq qurama sapyndaǵy alańdaǵy jolym aiaqtalady. Men bul joldan basymdy tik kóterip ketip baramyn. Portýgaliia úshin barymdy salǵanymdy maqtan tutamyn. Elimniń ár jeńisine áli de birge qýanamyn, – dedi Ronaldý.
Ol ulttyq qurama sapynda jeńistermen qatar, aýyr jeńilisterdi de bastan ótkergenin, alaida eshqashan berilmegenin atap ótti.
Aita keteiik, Ronaldý Portýgaliia quramasynda 2003 jyldan beri óner kórsetip, 234 matchta 146 gol soqqan. Ol 2016 jylǵy Eýropa chempionatynyń jáne Ulttar ligasynyń eki dúrkin jeńimpazy atandy.
