Almaty oblysynda sheteldik kompaniiaǵa 1,1 mln eýro aýdaryp, belgilengen merzimde qarajatty qaitarmaǵan qazaqstandyq JShS sot aldynda jaýap berdi. Sot sheshimimen seriktestikke 119,8 mln teńge aiyppul salyndy, dep habarlaidy ult.kz.
Sottyń baspasóz qyzmetiniń málimetinshe, qazaqstandyq seriktestik sheteldik kompaniiamen jalpy quny 1 870 580 eýro bolatyn jabdyqtardy daiyndaý jáne jetkizý týraly kelisimshart jasasqan. Kelisimshart aiasynda sheteldik kompaniiaǵa úsh kezeńmen 1,1 mln eýro, iaǵni 559,1 mln teńge aýdarylǵan.
Alaida tapsyrys berilgen jabdyqtar belgilengen ýaqytta jetkizilmegen. Al shetelge aýdarylǵan qarajatty elge qaitarý merzimi 2026 jylǵy 30 shildede aiaqtalǵan. Soǵan qaramastan aqsha Qazaqstanǵa qaitarylmaǵan.
Tekserý barysynda seriktestiktiń ulttyq jáne shetel valiýtasyn belgilengen merzimde elge qaitarý talabyn oryndamaǵany anyqtalǵan. Osyǵan bailanysty kompaniia ákimshilik jaýapkershilikke tartyldy.
Talǵar aýdandyq soty JShS-ge repatriatsiialanýǵa tiis qarajattyń 20 paiyzy mólsherinde, iaǵni 119 829 600 teńge aiyppul salý týraly sheshim shyǵardy.
Kompaniia bul sheshimmen kelispei, apelliatsiialyq shaǵym túsirgen. Alaida sot alqasy istiń materialdaryn qaita qarap, birinshi satydaǵy sot qaýlysyn ózgertýge negiz tappaǵan.
Nátijesinde aýdandyq sottyń sheshimi kúshinde qaldy, al kompaniianyń apelliatsiialyq shaǵymy qanaǵattandyrylmady.
