Almatyda birneshe páter urlyǵyna qatysy bar degen kúdikpen úsh er adam ustaldy. Olardy politsiia qyzmetkerleri arnaiy jasaq sarbazdarymen birlesip júrgizgen operatsiia barysynda qolǵa túsirdi. Aldyn ala málimet boiynsha, kúdiktilerdiń bes urlyq deregine qatysy bolýy múmkin, dep habarlaidy ult.kz.
Qalalyq Politsiia departamentiniń málimetinshe, kúdiktiler Almatyǵa arnaiy kelip, páterlerdi tonaǵan soń qaladan ketip otyrǵan. Osylaisha, olar izderin jasyrýǵa tyrysqan.
Arnaiy operatsiia kezinde úsh er adam da ustaldy. Keiingi tergeý amaldary barysynda politseiler urlanǵan zattardy tárkiledi. Qazir kúdiktiler qamaýǵa alynǵan.
Jedel ýákilder ustalǵandardyń ózge de páter urlyqtaryna qatysy bar-joǵyn tekserip jatyr. Politsiia qylmystyq epizodtar sany artýy múmkin ekenin joqqa shyǵarmaidy.
