Zańger Dáýlethan Ahmetovtiń habarlaýynsha, aqyn Erbol Byqybaev Taraz qalasynda ustalǵan, dep habarlaidy ult.kz.
Advokattyń málimetinshe, aqyn qylmystyq is boiynsha kúdikti dep tanylǵan. Oǵan buqaralyq aqparat quraldary nemese aqparattyq-kommýnikatsiialyq jeliler arqyly terrorizmdi nasihattady degen aiyp taǵylyp otyr.
Atalǵan áreket Qylmystyq kodekstiń 256-baby 2-bóligi boiynsha saralanǵan.
Erbol Byqybaev kim?
Erbol Byqybaev – áleýmettik jelilerde ótkir óleńderimen tanylǵan qazaqstandyq aqyn. Ol ásirese Talǵarda qaza tapqan 16 jastaǵy Sherzat Polattyń ólimine qatysty jazǵan jyrlary arqyly kópshilikke keńinen tanyla bastaǵan.
Atap aitqanda, aqynnyń Sherzattyń ólimine bailanysty jazǵan «Qarabet» atty áni áleýmettik jelilerde taraǵan. Shyǵarmalarynda ol qoǵamdyq máselelerdi kóterip, qoǵamdaǵy ádiletsizdikti synaǵan.
