Astanada Batys Qazaqstan oblysynda 1003 júk kóligin shekaradan kedergisiz ótkizý úshin 100 million teńge para alý isine qatysty sot úkimi shyqty, dep habarlaidy ult.kz.
Sot BQO boiynsha Memlekettik kirister departamenti basqarmasy basshysynyń burynǵy mindetin atqarýshy R.-ny 10 jylǵa bas bostandyǵynan aiyrdy. Ol Reseiden Qazaqstanǵa ótetin júk kólikterine kedergisiz jol ashqany jáne kásipkerlerge shekteýlerdi ainalyp ótýge kómekteskeni úshin para alýǵa kelisken.
Al paraqorlyqqa deldal bolǵan K. kórsetken qyzmeti úshin 24,8 million teńge alǵan. Ol 1 jyl 6 aiǵa sottaldy.
Eki sottalýshynyń da múlki tárkilenip, belgili bir laýazymdardy atqarý quqyǵynan ómir boiyna aiyryldy.
Sot úkimi ázirge zańdy kúshine engen joq.
