Túrkistan oblysynda Qyzyl kitapqa engen 11 itelgini shetelge zańsyz alyp shyǵý áreketiniń joly kesildi. Tárkilengen qustardyń qara naryqtaǵy quny 100 million teńgeden asýy múmkin, dep habarlaidy ult.kz.
Ulttyq qaýipsizdik komiteti Shekara qyzmetiniń málimetinshe, oqiǵa 2026 jylǵy 31 qazanda «Tselinnyi» ótkizý pýnktinde bolǵan.
Shekarashylar Qazaqstan azamatynyń Qyzyl kitapqa engen 11 itelgini el aýmaǵynan zańsyz alyp shyǵý áreketin anyqtaǵan. Kúdikti ustalyp, qustar tárkilendi.
Qazirgi ýaqytta atalǵan fakti boiynsha materialdar tiisti protsestik sheshim qabyldaý úshin quzyretti organdarǵa joldanǵan.
Itelgi nesimen baǵaly?
Itelgilerdiń qymbat baǵalanýynyń basty sebebi – olardyń sirek kezdesýi ǵana emes, suńqarshylyq ónerindegi erekshe orny.
Itelgi (baloban) – óte jyldam, epti, ań aýlaýǵa beiim jyrtqysh qus. Ol ásirese Taiaý Shyǵys elderinde suńqarshylyqpen ainalysatyn adamdar arasynda joǵary baǵalanady.
Olardy ne úshin satyp alady?
- Ańshylyq úshin. Itelgilerdi arnaiy úiretip, qoian, sarshunaq jáne basqa da usaq ańdardy aýlaýǵa paidalanady.
- Suńqarshylyq dástúri úshin. Ásirese arab elderinde úiretilgen suńqar ustaý – bailyq pen mártebeniń belgisi sanalatyn dástúr.
- Jeke kollektsiia úshin. Keibir adamdar sirek kezdesetin jyrtqysh qustardy jeke kollektsiiasynda ustaidy.
- Kóbeiý maqsatynda. Arnaiy sharýashylyqtarda tuqymyn kóbeitý úshin satyp alatyndar da bar.
Nelikten baǵasy qymbat?
- Itelgini tabiǵattan aýlaý ońai emes, ony qolǵa túsirý úshin arnaiy daǵdy qajet.
- Ony ańshylyqqa úiretýge ýaqyt ketedi.
- Sirek kezdesetindikten, oǵan suranys joǵary.
- Keibir satyp alýshylar úshin itelgi – jai qus emes, mártebe men bailyqtyń simvoly.
Qazaqstandaǵy tabiǵat qorǵaýshylardyń málimetinshe, itelgilerdi zańsyz aýlaý jáne Parsy shyǵanaǵy elderine satý olardyń popýliatsiiasynyń azaiýyna áser etken negizgi faktorlardyń biri.
