Pavlodarda probatsiia qyzmetiniń burynǵy inspektory sottalǵan azamattan 400 myń teńge para alǵany úshin 12 mln teńge aiyppul tóleýge mindetteldi, dep habarlaidy ult.kz.
Sot materialdaryna sáikes, alaiaqtyq úshin bas bostandyǵyn shekteý jazasyna kesilgen azamat eki ret jol erejesin buzǵan. Al onyń tártibin baqylaýǵa mindetti 39 jastaǵy inspektor bul zańbuzýshylyqtardy jasyrý úshin aqsha talap etken.
Eks-qyzmetker sottalǵan azamattyń quqyq buzýshylyqtary týraly shara qoldanbaýǵa jáne jazasynyń ótelmegen bóligin túrmege qamaýmen aýystyrý týraly sotqa usynys engizbeýge ýáde bergen.
Ol kelisilgen 400 myń teńgeni alǵan sátte ustaldy.
Sotta kinásin moiyndaǵan burynǵy inspektor bas bostandyǵynan aiyrý jazasyn taǵaiyndamaýdy suraǵan. Sot oǵan 12 mln teńge aiyppul salý týraly úkim shyǵardy.
