Jýyrda otbasyn qurǵan tanymal akterler Dariǵa Badyqova men Oljas Abai taǵy da kópshiliktiń nazaryn aýdardy. Bul joly aktrisanyń anasy kúieý balasyn arnaiy qonaqqa shaqyryp, qazaqy dástúrmen tós tartqan, dep habarlaidy ult.kz.
Ónerli jup áleýmettik jelidegi paraqshasynda otbasylyq basqosýdan beinejazba jariialady. Videoda Dariǵanyń tórkininde jaiylǵan dastarhan men týǵan-týystarynyń bas qosqan sáti kórsetilgen.
Aktrisanyń anasy kúieý balasy Oljas Abaiǵa qazaqtyń ejelgi salty boiynsha tós usynyp, qurmet bildirgen.
"Qazaqta kúieý balaǵa tós usyný degen ádemi dástúr bar. Bul – ananyń kúieý balasyna degen qurmeti men syilastyǵynyń belgisi. Sondyqtan salt-dástúrden attamai, búgin anamyz Oljasqa tós usyndy", – dep jazdy erli-zaiypty.
Alaida jeli qoldanýshylarynyń nazaryn tek dástúrli rásim ǵana aýdarmaǵan. Beinejazbada Dariǵa Badyqovanyń qolyna sábi alyp otyrǵany da baiqalady. Osy kórinisten keiin oqyrmandar arasynda túrli pikir men boljam aityla bastady.
Biri aktrisanyń qolyndaǵy balanyń kim ekenin surasa, endi biri jupqa sábili bolýdy tiledi. Sondai-aq olardyń jeke ómirine qatysty syn pikirler de jazyldy.
"Batysta tóske aqsha tastaidy", "Dariǵanyń balasy ma?", "Dariǵa da balaly bolsa eken", "Túk bolmaǵandai tós jep otyr", "Bala-shaǵasyn tastap, máz bolyp otyr", – dep pikir qaldyrǵan jeli qoldanýshylary.
Aita keteiik, Dariǵa Badyqova men Oljas Abaidyń qarym-qatynasy buǵan deiin de áleýmettik jelide qyzý talqylanǵan. Jaqynda shańyraq kótergen óner ieleriniń otbasylyq ómirine qatysty árbir jariialanymy oqyrmandardyń nazarynan tys qalmai keledi.
Al beinejazbadaǵy sábidiń kim ekeni týraly naqty málimet aitylmaǵan.
