Ánshi Baljan Bidash burynǵy kúieýi, akter Jahan Otarǵalievtiń áleýmettik jelide taraǵan málimdemesine qatysty pikir bildirdi. Óner iesi ózine baǵyttalǵan sózderdi qalai qabyldaitynyn aityp, oqyrmandaryna oi saldy, dep habarlaidy ult.kz.
Buǵan deiin Jahan Otarǵaliev suhbattarynyń birinde burynǵy jubaiyna qarata "Qazaqstanda teńdesi joq ánshi ekenińdi dálelde" degen. Akterdiń bul sózi jelide tarap, kópshiliktiń nazaryn aýdardy.
Baljan Bidash Instagram paraqshasynda osy máselege qatysty oiyn bólisti. Ánshi ózgelerdiń pikirine bola ózińdi dáleldeýge tyrysýdyń qajeti joq ekenin, alaida mundai sózderdi alǵa umtylýǵa túrtki bolatyn motivatsiia retinde qabyldaýǵa bolatynyn jetkizdi.
"Eshkimge eshteńeni dáleldeýdiń qajeti joq deidi ǵoi. Biraq ony motivatsiia retinde qabyldaǵan da durys. Sol arqyly ózińdi damytasyń. Alaida bul berilip, bar energiiańdy sol adamdarǵa jumsaý kerek degen sóz emes", – dep jazdy ánshi.
Óner iesi bul jazbany tek burynǵy kúieýiniń sózine jaýap berý úshin emes, oqyrmandaryna jiger berý maqsatynda jariialaǵanyn atap ótti.
"Bul storisti oqyrmandaryma motivatsiia bolsyn dep saldym. Ózińe senimdi bolsań, artqa qaramai, tek alǵa umtylyp, óz jumysyńdy jasaisyń. Sondai-aq olar týraly áńgime qozǵaýǵa da nietiń bolmaýy kerek. Óz kúshińdi ózińe saqta!" – dedi Baljan Bidash.
Osylaisha, ánshi ózine aitylǵan pikirlerge nazar aýdarýdan góri shyǵarmashylyǵyn damytyp, jeke maqsattaryna jetýdi mańyzdy sanaitynyn ańǵartty.
Baljan Bidash kim?
Baljan Bidash – qazaqstandyq ánshi, kompozitor, burynǵy "KeshYOU" tobynyń múshesi.
Ol Qyzylorda oblysy Jańaqorǵan aýdanyna qarasty Kelintóbe aýylynda dúniege kelgen. Ónerli otbasynda ósken ánshiniń ata-anasy da mýzyka salasynda eńbek etken. Baljan tórt jasynan bastap án aityp, bala kezinen sahnaǵa qyzyǵýshylyq tanytqan.
2015–2018 jyldary tanymal "KeshYOU" tobynyń quramynda óner kórsetip, keiin jeke shyǵarmashylyq jolyn bastady.
2020 jyly akter ári ázilkesh Jahan Otarǵalievpen shańyraq kóterdi. Alaida 2023 jyldyń qyrkúieginde erli-zaiypty ajyrasqanyn resmi túrde rastady.
Otbasylyq ómirinde birneshe jyl sahnadan qol úzgen ánshi ajyrasqannan keiin jeke shyǵarmashylyǵyn qaita qolǵa aldy.
