5 qarashada Qazaqstannyń batysy men soltústik-batysynda jańbyr men qar jaýyp, kei jerlerde jaýyn-shashyn kúsheiedi. El aýmaǵynda jeldiń kúsheiýi, túnde jáne tańerteń tuman túsýi kútiledi, dep habarlaidy ult.kz.
Astanada kún ala bultty bolyp, jaýyn-shashyn jaýmaidy. Túnde aýa temperatýrasy −4…−6°C-qa deiin tómendep, kúndiz +7…+9°C-qa kóteriledi. Ońtústik-batystan soǵatyn jeldiń jyldamdyǵy túnde 2–7, kúndiz 9–14 m/s bolady.
Almatyda kúndiz ótkinshi jańbyr jaýady. Túnde +4…+6°C, kúndiz +11…+13°C jyly bolady. Soltústik-shyǵystan soǵatyn jel batysqa aýysyp, jyldamdyǵy 3–8 m/s, kúndiz ekpini 13 m/s-qa jetedi.
Shymkentte túnde jáne tańerteń jańbyr jaýyp, tuman túsedi. Aýa temperatýrasy túnde +6…+8°C, kúndiz +16…+18°C bolady. Ońtústik-shyǵystan soǵatyn jeldiń jyldamdyǵy 5–10 m/s shamasynda kútiledi.
Sinoptikterdiń málimetinshe, eldegi aýa raiyna soltústik tsiklon áser ete bastaidy. Aldymen batys óńirlerde baiqalatyn qolaisyz aýa raiy keiin ózge aimaqtarǵa taralady. Soltústik óńirlerde jańbyr aralas qar jaýyp, kóktaiǵaq bolýy múmkin.
