Petropavldaǵy kolledjderdiń birinde 14 stýdentten teriniń zeń infektsiiasy anyqtaldy. Sanitarlyq dárigerler aýrýdyń taralý sebepterin zerttep, epidemiologiialyq tergeýdi aiaqtady, dep habarlaidy ult.kz.
Soltústik Qazaqstan oblysynyń sanitariialyq-epidemiologiialyq baqylaý departamentiniń málimetinshe, bastapqyda segiz stýdenttiń aýyrǵany habarlanǵan. Keiin zerthanalyq tekserý nátijesinde naýqastar sany 14-ke jetken.
Mamandar infektsiia juqtyrǵandardyń barlyǵy jataqhananyń bir qabatynda turatynyn anyqtaǵan. Olardyń bólmeleri kórshiles ornalasqan ári stýdentter ózara tyǵyz qarym-qatynasta bolǵan. Sondai-aq infektsiianyń yqtimal kózi anyqtalǵan. Alaida vedomstvo onyń kim ekenin naqtylamady.
Aýrýdyń taralýyna jol bermeý úshin stýdentter turǵan jáne oqyǵan oryndarda dezinfektsiia júrgizilgen. Bailanysta bolǵandar meditsinalyq baqylaýǵa alynǵan.
Tekserý qorytyndysy boiynsha kolledjge aiyppul salyndy. Qazir jaǵdai departamenttiń baqylaýynda.
Mamandar temiretkiden saqtaný úshin jeke gigienany saqtaýǵa, bóten adamnyń kiimi men jeke zattaryn paidalanbaýǵa jáne qańǵybas janýarlarmen bailanystan aýlaq bolýǵa keńes beredi. Teride bórtpe baiqalsa, dermatologqa qaralý qajet.
Eske salaiyq, stýdentter arasynda zeń infektsiiasynyń taralǵany týraly aqparat 25 qyrkúiekte belgili bolǵan. Ol kezde aýrýhanaǵa segiz stýdent túskeni habarlanǵan edi.
