4 qarashada Qazaqstannyń basym bóliginde jaýyn-shashynsyz aýa raiy saqtalady. Alaida batys óńirlerde tsiklonnyń áserinen jańbyr jaýyp, kei jerlerde kúsheiedi. «Qazgidromet» boljamynsha, el aýmaǵynda túngi jáne tańǵy ýaqytta tuman túsip, jel kúsheiýi múmkin, dep habarlaidy ult.kz.
Astanada kún ala bultty bolyp, jaýyn-shashyn bolmaidy. Túnde aýa temperatýrasy 2–4 gradýs aiazǵa deiin tómendese, kúndiz 5–7 gradýs jyly bolady. Ońtústik baǵyttan sekýndyna 2–7 metr jyldamdyqpen jel soǵady.
Almatyda da jaýyn-shashyn kútilmeidi. Túnde aýa temperatýrasy 4–6 gradýs, kúndiz 16–18 gradýs jyly bolady. Soltústik-shyǵystan soǵatyn jeldiń jyldamdyǵy sekýndyna 3–8 metrge jetedi.
Shymkentte kúndiz jańbyr jaýady. Soǵan qaramastan, kún jyly bolyp, aýa temperatýrasy 18–20 gradýsqa deiin kóteriledi. Túnde 5–7 gradýs jyly bolady. Ońtústik-shyǵystan sekýndyna 5–10 metr jyldamdyqpen jel soǵady.
Batys óńirlerde 4–5 qarashada jaýyn-shashynnyń kóbeiýimen birge kúndizgi temperatýra birtindep tómendeidi. Osy kezeńde batysta aýa temperatýrasy 13–21 gradýstan 6–19 gradýsqa deiin, ońtústik-shyǵysta 13–18 gradýstan 10–15 gradýsqa deiin tómendeýi múmkin. Qalǵan aýmaqta temperatýranyń aitarlyqtai ózgerýi boljanbaidy.
