Qaraǵandyda zirat aýmaǵynan temir qorshaý urlaǵan kúdikti ustaldy. Politseiler urlanǵan múlikti taýyp, 67 jastaǵy zeinetkerge qaitardy, dep habarlaidy ult.kz.
Polisia.kz málimetinshe, oqiǵa 28 qazanda bolǵan. Qala turǵyny týysynyń ziratyna barǵanda qabir basyndaǵy temir qorshaýdyń joǵalǵanyn baiqap, politsiiaǵa aryzdanǵan.
Jedel-izdestirý sharalary barysynda Kirov politsiia bóliminiń qyzmetkerleri kúdiktini anyqtady. Ol 30 jastaǵy Qaraǵandy turǵyny bolyp shyqty.
Urlanǵan temir qorshaý tabylyp, zańdy iesine qaitaryldy. Qazir osy derek boiynsha sotqa deiingi tergeý júrip jatyr. Sonymen qatar kúdiktiniń óńirdegi ózge zirattarda jasalǵan uqsas urlyqtarǵa qatysy bar-joǵy tekserilýde.
