3 qarashada Qazaqstannyń basym bóliginde jaýyn-shashynsyz aýa raiy saqtalady. Alaida shyǵys óńirlerde qar jaýyp, kei jerlerde jaýyn-shashyn kúsheiedi, dep habarlaidy ult.kz.
Astanada jaýyn-shashyn kútilmeidi, túnde jáne tańerteń tuman túsedi. Aýa temperatýrasy túnde −3…−1°C, kúndiz +4…+6°C bolady. Batystan sekýndyna 2–7 metr jyldamdyqpen jel soǵady.
Almatyda kún ala bultty, jaýyn-shashynsyz ótedi. Túnde +2…+4°C, kúndiz +14…+16°C jyly bolady. Soltústik-shyǵystan, shyǵystan soǵatyn jeldiń jyldamdyǵy sekýndyna 3–8 metrge jetedi. Shymkentte de jaýyn-shashyn kútilmeidi: túnde +6…+8°C, kúndiz +19…+21°C. Soltústik-shyǵystan sekýndyna 5–10 metr jel soǵady.
Sinoptikter respýblika aýmaǵynda jeldiń kúsheiýin, túngi jáne tańǵy ýaqytta tuman túsýin boljaidy. Eldiń qalǵan bóliginde aýa temperatýrasy aitarlyqtai ózgermeidi.
Shyǵys óńirlerde qar men kóktaiǵaq jol qozǵalysyn qiyndatýy múmkin. Al tuman túsken aýmaqtarda kóriný qashyqtyǵy tómendeidi. Sondyqtan júrgizýshilerge jyldamdyqty azaityp, kólikter arasyndaǵy qaýipsiz araqashyqtyqty saqtaǵan jón.
