Aqtaýda oblystyq balalar aýrýhanasynda dárigerge shabýyl jasaǵan er adam qamaýǵa alyndy. Oǵan qatysty qylmystyq is qozǵaldy, dep habarlaidy ult.kz.
Aýrýhana málimetinshe, oqiǵa 31 qazanda bolǵan. Dáriger balany tekserip, ony statsionarǵa jatqyzýǵa meditsinalyq kórsetilim joq ekenin ákesine túsindirgen. Buǵan ashýlanǵan er adam ústeldi teýip, dárigerge tap bergen. Ony birneshe adam áreń toqtatqan.
Shabýylǵa ushyraǵan balalar hirýrgynyń jaǵdaiy jaqsy. Ol jumysqa qaita kirisken.
Mańǵystaý oblystyq Politsiia departamentiniń habarlaýynsha, kúdikti ustalyp, ýaqytsha ustaý izoliatoryna qamalǵan. Qazir tergeý amaldary júrgizilip jatyr.
Aita keteiik, Qazaqstanda qyzmettik mindetin atqaryp júrgen meditsina qyzmetkerlerine kúsh qoldanǵany úshin Qylmystyq kodekstiń 380-3-baby boiynsha jaýapkershilik qarastyrylǵan. Eger kúsh qoldaný dárigerdiń ómiri men densaýlyǵyna qaýip tóndirse, bes jyldan on jylǵa deiin, al aýyrlatatyn mán-jailarda 7 jyldan 12 jylǵa deiin bas bostandyǵynan aiyrý jazasy kózdelgen.
