1 qarashada Astanada kóshpeli bult shyǵyp, jaýyn-shashyn bolmaidy. Aýa temperatýrasy túnde −1…−3, kúndiz +10…+12 gradýs bolady. Ońtústik-batystan soǵatyn jeldiń jyldamdyǵy túnde sekýndyna 3–8, kúndiz 7–12 metrge jetedi, dep habarlaidy ult.kz.
Almatyda da jaýyn-shashyn kútilmeidi. Túnde aýa temperatýrasy +2…+4, kúndiz +12…+14 gradýs bolady. Soltústik-shyǵystan sekýndyna 3–8 metr jyldamdyqpen jel soǵady. Shymkentte kún jyly ári qurǵaq bolady: túnde +6…+8, kúndiz +19…+21 gradýsqa deiin jylynady. Jeldiń jyldamdyǵy sekýndyna 2–7 metrdi quraidy.
«Qazgidromet» boljamynsha, aýqymdy antitsiklonnyń áserinen Qazaqstannyń basym bóliginde jaýyn-shashyn bolmaidy. Degenmen eldiń ońtústigi men ońtústik-shyǵysynda jel kúsheiedi. Soltústik, ońtústik jáne shyǵys óńirlerde túnde jáne tańerteń tuman túsýi múmkin.
Almaty jáne Jetisý oblystarynda, sondai-aq Qyzylorda oblysynyń soltústiginde 1–8 gradýs úsik boljanady. Sonymen qatar Qyzylorda, Atyraý oblystarynda jáne Aqtóbe, Mańǵystaý, Ulytaý men Jetisý oblystarynyń birqatar aýmaǵynda tótenshe órt qaýpi saqtalady.
