Keniiada jolaýshylar avtobýsy men júk kóligi soqtyǵysyp, keminde 22 adam kóz jumdy. Taǵy 24 adam meditsinalyq kómekke júgingen, dep habarlaidy ult.kz.
Qaiǵyly oqiǵa 25 qazanda Nairobi men Mombasa qalalaryn bailanystyratyn iri tasjolda bolǵan.
Jergilikti politsiianyń málimetinshe, avtobýstaǵy jolaýshylardyń bir bóligi shirkeý pastoryn jerleý rásimine qatysyp, Mombasa qalasyna qaityp bara jatqan.
Jolaýshylardyń biri Spentsa Mýdaveniń aitýynsha, júk kóligi avtobýstyń artqy jaǵynan soqqan. Qatty soqqydan avtobýs aýdarylyp ketken.
Alaida jol apatynyń naqty sebebi ázirge anyqtalǵan joq. Keniianyń Ulttyq jol qozǵalysy qaýipsizdigi basqarmasy qaiǵyly jaǵdaiǵa basyp ozý kezinde jol erejesiniń buzylýy sebep bolýy múmkin ekenin málimdedi. Aldyn ala boljam boiynsha, eki kólik betpe-bet soqtyǵysqan.
Quzyrly organdar oqiǵanyń mán-jaiyn anyqtap jatyr.
