Gúlzira men Nurtas Aidarbekovter kenje kelinine sý jańa iPhone syilap, kópshiliktiń jyly lebizine ie boldy. Kelinine erekshe kóńil bólip, qýantqan ata-eneniń tosynsyiy jeli qoldanýshylaryn súisindirdi, dep habarlaidy ult.kz.
Jelide taraǵan sátke pikir bildirgen oqyrmandar erli-zaiyptynyń kelinine kórsetken yqylasyn joǵary baǵalaǵan. Olar syilyqtan bólek, otbasyndaǵy syilastyq pen úlkenderdiń qamqorlyǵyna nazar aýdardy.
«Osyndai ata-ene buiyrsyn», «Naǵyz úlgili otbasy» degen pikirler qaldyrǵan kópshilik Aidarbekovter áýletine aq tilekterin arnady. Kelinin qýantýǵa asyqqan ata-eneniń áreketin ózgelerge úlgi etkender de boldy.
Aita keteiik, Gúlzira Aidarbekova biznesin synaǵan kásipkerge jaýap berdi.
Gúlzira Aidarbekova kim?
Gúlzira Aidarbekova — prodiýser, tanymal ánshi Qairat Nurtastyń anasy. Ol ulynyń óner jolynda qalyptasýyna qoldaý kórsetip, shyǵarmashylyq jumystary men kontsertterin uiymdastyrýǵa atsalysqan. Kópshilikke Qairat Nurtastyń prodiýseri retinde de tanys.
Jubaiy — Nurtas Aidarbekov. Erli-zaiypty Qairat, Aian jáne Zańǵar esimdi úsh ul tárbielep ósirgen.
Gúlzira Aidarbekova áleýmettik jelide otbasylyq ómirinen, balalary men nemereleriniń qyzyqtarynan jii bólisedi. Onyń jazbalary men otbasy týraly aitqan pikirleri oqyrmandar arasynda jii talqylanady.
