Astanada turǵyn úi salýǵa qarajat jinap, 292 úleskerge 4 mlrd teńgeden astam shyǵyn keltirdi degen kúdikke ilingen 45 jastaǵy er adam Shymkentte ustaldy. Ol halyqaralyq izdeýde bolǵan, dep habarlaidy ult.kz.
Polisia.kz málimetinshe, kúdikti bir top adammen birge azamattardyń senimine kirip, Astanada kópqabatty turǵyn úi keshenin salýǵa aqsha tartqan. Alaida qurylys jumystary qajetti ruqsat qujattarynsyz jáne memlekettik saraptamanyń oń qorytyndysynsyz júrgizilgen.
Qylmystyq is aiasynda 292 úleskerdiń zardap shekkeni anyqtaldy. Al keltirilgen jalpy shyǵyn 4 mlrd teńgeden asady.
Jedel-izdestirý sharalary barysynda kúdiktiniń uzaq ýaqyt boiy Shymkentte boi tasalap júrgeni belgili bolǵan. Ol quqyq qorǵaý organdarynan jasyryný úshin jaldamaly páterlerin jii aýystyryp otyrǵan.
Qazirgi ýaqytta er adam ýaqytsha ustaý izoliatoryna qamaldy.
