Shyǵys Qazaqstan oblysynda sintetikalyq esirtki taratty degen kúdikpen erli-zaiypty ustaldy. Politsiia málimetinshe, áiel TikTok arqyly zańsyz tabys tabý týraly usynys alyp, esirtkini jasyryn oryndarǵa qaldyryp júrgen. Keiin bul iske kúieýin de tartqan, dep habarlaidy ult.kz.
Aldyn ala málimet boiynsha, áiel alty jasyryn oryn daiyndap, birneshe túiinshekti kúieýine bergen. Kóp uzamai ekeýi de ustaldy.
Jeke tintý kezinde áielden 19, al kúieýinen jeti túiinshek tabyldy. Saraptama olardyń quramynda sintetikalyq esirtki – alfa-PVP bar ekenin rastady. Tárkilengen zattyń jalpy salmaǵy shamamen 33 gramm bolǵan. Bul asa iri mólsherge jatady.
Atalǵan fakti boiynsha qylmystyq is qozǵaldy. Er adam ýaqytsha ustaý izoliatoryna qamalsa, áielge úiqamaq túrindegi bultartpaý sharasy qoldanyldy.
Politsiia áleýmettik jelilerdegi ońai tabys týraly usynystardyń esirtki qylmysyna tartý amaly bolýy múmkin ekenin eskertedi.
