Almatyda Qairat Satybaldyǵa tiesili bolǵan DoubleTree by Hilton Almaty qonaqúi kesheni úsh aýktsionnan keiin 12,3 milliard teńgege satyldy. Nysannyń bastapqy baǵasy 38,2 milliard teńge bolǵan, dep habarlaidy ult.kz.
Saýda-sattyq e-Qazyna elektrondy platformasynda ótti. Alaida qonaqúidi kim satyp alǵany jáne aýktsionǵa qansha úmitker qatysqany ázirge belgisiz.
Almatynyń Almaly aýdanyndaǵy Dosmuhamedov kóshesinde ornalasqan qonaqúidiń jalpy aýmaǵy 16 myń sharshy metrdi quraidy. 11 qabatty ǵimaratta 112 nómir, meiramhana, konferents-zaldar, bassein, SPA aimaǵy jáne fitnes ortalyǵy bar.
Nysandy satýǵa alǵash ret 2026 jylǵy 25 qyrkúiekte shyǵardy. Sol kezde bastapqy baǵasy 12,7 milliard teńge bolyp belgilengenimen, satyp alýshy tabylmady. 13 qazanda qaita ótkizilgen saýda da nátijesiz aiaqtaldy.
29 qazanda ótken úshinshi aýktsionda qonaqúi 12,3 milliard teńgege satyldy. Bul bastapqyda belgilengen 12,7 milliard teńgeden 400 million teńgege arzan. Al nysannyń alǵashqy jariialanǵan baǵasymen salystyrǵanda aiyrmashylyq 25,9 milliard teńgeni quraidy.
Aita keteiik, lot quramyna tek qonaqúi ǵimaraty kirgen. Jihazdar men ózge de jyljymaly múlik satylymǵa qosylmaǵan. Sondai-aq jańa iesi DoubleTree by Hilton taýar belgisin, firmalyq ataýyn, ziiatkerlik menshik nysandaryn jáne franchaizing shartyna qatysty quqyqtardy ielenbeidi.
Buǵan deiin Almatydaǵy Qairat Satybaldyǵa tiesili bolǵan osy qonaqúidi IT-habqa ainaldyrý josparlanyp otyrǵany habarlanǵan edi.
