الماتىدا قايرات ساتىبالدىعا تيەسٸلٸ بولعان DoubleTree by Hilton Almaty قوناقٷي كەشەنٸ ٷش اۋكتسيوننان كەيٸن 12,3 ميلليارد تەڭگەگە ساتىلدى. نىساننىڭ باستاپقى باعاسى 38,2 ميلليارد تەڭگە بولعان, دەپ حابارلايدى ult.kz.
ساۋدا-ساتتىق e-Qazyna ەلەكتروندى پلاتفورماسىندا ٶتتٸ. الايدا قوناقٷيدٸ كٸم ساتىپ العانى جەنە اۋكتسيونعا قانشا ٷمٸتكەر قاتىسقانى ەزٸرگە بەلگٸسٸز.
الماتىنىڭ المالى اۋدانىنداعى دوسمۇحامەدوۆ كٶشەسٸندە ورنالاسقان قوناقٷيدٸڭ جالپى اۋماعى 16 مىڭ شارشى مەتردٸ قۇرايدى. 11 قاباتتى عيماراتتا 112 نٶمٸر, مەيرامحانا, كونفەرەنتس-زالدار, باسسەين, SPA ايماعى جەنە فيتنەس ورتالىعى بار.
نىساندى ساتۋعا العاش رەت 2026 جىلعى 25 قىركٷيەكتە شىعاردى. سول كەزدە باستاپقى باعاسى 12,7 ميلليارد تەڭگە بولىپ بەلگٸلەنگەنٸمەن, ساتىپ الۋشى تابىلمادى. 13 قازاندا قايتا ٶتكٸزٸلگەن ساۋدا دا نەتيجەسٸز اياقتالدى.
29 قازاندا ٶتكەن ٷشٸنشٸ اۋكتسيوندا قوناقٷي 12,3 ميلليارد تەڭگەگە ساتىلدى. بۇل باستاپقىدا بەلگٸلەنگەن 12,7 ميلليارد تەڭگەدەن 400 ميلليون تەڭگەگە ارزان. ال نىساننىڭ العاشقى جارييالانعان باعاسىمەن سالىستىرعاندا ايىرماشىلىق 25,9 ميلليارد تەڭگەنٸ قۇرايدى.
ايتا كەتەيٸك, لوت قۇرامىنا تەك قوناقٷي عيماراتى كٸرگەن. جيھازدار مەن ٶزگە دە جىلجىمالى مٷلٸك ساتىلىمعا قوسىلماعان. سونداي-اق جاڭا يەسٸ DoubleTree by Hilton تاۋار بەلگٸسٸن, فيرمالىق اتاۋىن, زيياتكەرلٸك مەنشٸك نىساندارىن جەنە فرانچايزينگ شارتىنا قاتىستى قۇقىقتاردى يەلەنبەيدٸ.
بۇعان دەيٸن الماتىداعى قايرات ساتىبالدىعا تيەسٸلٸ بولعان وسى قوناقٷيدٸ IT-حابقا اينالدىرۋ جوسپارلانىپ وتىرعانى حابارلانعان ەدٸ.
