تانىمال ەنشٸ دوسىمجان تاڭاتاروۆ ٶنەر جولىن تاڭداۋىنا اتا-اناسىنىڭ قارسى بولعانىن ايتىپ, جاستىق شاعىنداعى قىزىقتى وقيعاسىن بٶلٸستٸ. ٶنەر يەسٸ ەنشٸ بولامىن دەپ ٷيٸنەن قاشىپ كەتكەنٸن دە جاسىرمادى. بۇل تۋرالى ول "كەشكٸ الماتى" باعدارلاماسىنا بەرگەن سۇحباتىندا باياندادى, دەپ حابارلايدى ult.kz.
ەنشٸنٸڭ ايتۋىنشا, بالا كەزٸنەن ٶنەرگە جاقىن بولىپ ٶسكەن. اۋىلداعى تٷرلٸ بايقاۋلارعا قاتىسىپ, اۋداندىق جەنە وبلىستىق دەڭگەيدە دە ٶنەرٸمەن كٶزگە تٷسكەن. تٸپتٸ اينالاسىنداعى ۇستازدارى مەن تانىستارى ونىڭ بولاشاعىن ساحنامەن بايلانىستىرىپ, ٷلكەن ٷمٸت ارتقان.
الايدا مەكتەپتٸ تەمامداعان سوڭ ٶنەر ۋنيۆەرسيتەتٸنە تٷسۋدٸ جوسپارلاعان دوسىمجان تاڭاتاروۆ كٷتپەگەن جاعدايعا تاپ بولعان. بۇعان دەيٸن بالاسىنىڭ ەنشٸلٸگٸن قولداپ كەلگەن اتا-اناسى ونىڭ كەسٸبي ٶنەر جولىن تاڭداۋىنا قارسى شىققان.
"نەگٸزگٸ ماماندىعىم باسقا. بۇل ٶزٸ قىزىق. مەن ەن ايتقاندا راقاتتاناتىنمىن. اتا-انام كٸشكەنتايىمنان ٶنەرگە دايىنداپ ٶسٸردٸ. مەكتەپ بٸتٸرٸپ, ارمانىم جٷرگەنوۆكە مە, كونسەرۆاتوريياعا ما تٷسەمٸن دەگەن ۋاقىتتا ەكە-شەشەم قارسى بولادى عوي", – دەپ ەسكە الدى ەنشٸ.
"قارنىم اشقان سوڭ ٷيگە قايتىپ كەلدٸم"
دوسىمجان تاڭاتاروۆ اتا-اناسىنىڭ بۇل شەشٸمٸن تٷسٸنە الماي, قاتتى رەنجٸگەنٸن ايتتى. سەبەبٸ اۋىلدان باستاپ وبلىسقا دەيٸن تٷرلٸ ٶنەر دودالارىندا تانىلىپ ٷلگەرگەن جاس ەنشٸ بولاشاعىن تەك ساحنادان كٶرگەن. الايدا ەكە-شەشەسٸ ۇلىنىڭ تۇراقتى ماماندىق يەسٸ بولعانىن قالاعان.
"اتا-انام ٶنەرپاز بولماي-اق قوي دەدٸ. جىلاپ, ٷيدەن قاشىپ كەتتٸم. ٷش كٷن ٷيگە تٷنەمەدٸم. قارنىم اش. سول قارىن اشقان سوڭ قايتىپ كەلدٸم", – دەپ كٷلدٸ ٶنەر يەسٸ.
ەنشٸنٸڭ سٶزٸنشە, ٷيگە ورالعان سوڭ اناسى وعان اقىل ايتىپ, الدىمەن جوعارى بٸلٸم الۋعا كٶندٸرگەن.
"بالام, ٶلەڭ جٶتەل سيياقتى. سىرتقا شىقپاي قويمايدى. مەن ساعان ايتايىن, ارمانىڭ ٶنەر بولسا دا, بٸز ٷشٸن بٸر ماماندىق يەسٸ بولىپ, ديپلوم الشى. سوسىن ٶنەرٸڭ ٸشٸڭدٸ تەسٸپ بارا جاتسا, ول دٷنيە شىعادى. سول جەردە جٷرٸپ تە ساحناعا شىعاسىڭ", – دەگەن.
ەنشٸ بولامىن دەگەن دوسىمجان حيميك ماماندىعىن وقىعان
اناسىنىڭ اقىلىنان كەيٸن دوسىمجان تاڭاتاروۆ اتا-اناسىنىڭ تٸلٸن الىپ, جامبىل تەحنولوگييالىق ينستيتۋتىنا وقۋعا تٷسكەن. ول ينجەنەر تەحنيك-حيميك ماماندىعى بويىنشا بٸلٸم الىپ, ديپلوم يەلەنگەن. دەگەنمەن ەنشٸلٸككە دەگەن قىزىعۋشىلىعى ەشقاشان بەسەڭدەمەگەن.
ٶنەر يەسٸنٸڭ ايتۋىنشا, ينستيتۋتقا العاش بارعان كٷنٸ وقۋ ورنىندا "اللو, مى يششەم تالانتى" اتتى بايقاۋ ٶتٸپ جاتقان.
"سول كونكۋرسقا جەتٸپ بارىپ, "مەن تالانتپىن!" دەدٸم", – دەپ كٷلدٸ ەنشٸ.
دوسىمجان تاڭاتاروۆ ٶزٸنٸڭ ٶنەر جولى دەل سول بايقاۋدان باستالعانىن جەتكٸزدٸ. وسىلايشا ول اتا-اناسىنىڭ تالابىن ورىنداپ, باسقا ماماندىقتى مەڭگەرسە دە, بالا كٷنگٸ ارمانىنان قول ٷزبەگەن.
ەنشٸنٸڭ ەڭگٸمەسٸن تىڭداعان جٷرگٸزۋشٸ جانبولات نايزابەكوۆ:
"ينستيتۋتتى جٷرگەنوۆ قىلىپ تاستاپسىز عوي", – دەپ ەزٸلدەپ, ستۋديياداعىلاردى كٷلدٸردٸ.
وسىلايشا دوسىمجان تاڭاتاروۆ اتا-اناسىنىڭ قارسىلىعى مەن ماماندىق تاڭداۋ كەزٸندەگٸ قيىندىقتارعا قاراماستان, ەنشٸلٸك ٶنەرگە قالاي كەلگەنٸن ەسكە الدى.
دوسىمجان تاڭاتاروۆ كٸم?
دوسىمجان قارپىقۇلى تاڭاتاروۆ – قازاقستاندىق ەسترادا ەنشٸسٸ, قازاقستاننىڭ ەڭبەك سٸڭٸرگەن قايراتكەرٸ. ول 1975 جىلى 6 مامىردا جامبىل وبلىسى, تۇرار رىسقۇلوۆ اۋدانىنا قاراستى قۇمارىق اۋىلىندا دٷنيەگە كەلگەن.
مەكتەپتٸ اياقتاعان سوڭ جامبىل تەحنولوگييالىق ينستيتۋتىندا ينجەنەر-تەحنولوگ, حيميك ماماندىعى بويىنشا بٸلٸم العان. كەيٸن جامبىل پەداگوگيكالىق ينستيتۋتىندا مۋزىكا ماماندىعىن مەڭگەرگەن.
2000 جىلدان باستاپ قازاقستان رەسپۋبليكاسى پرەزيدەنتٸ وركەسترٸندە ەنشٸ بولىپ قىزمەت اتقارعان. 2001 جىلى ونىڭ "قۇرالاي" اتتى العاشقى بەينەبايانى جارىق كٶردٸ.
ال 2005 جىلى الماتىداعى رەسپۋبليكا سارايىندا "قۇرالاي" اتتى جەكە شىعارماشىلىق كەشٸن ٶتكٸزدٸ.
ٶنەردەگٸ جەتٸستٸكتەرٸ ٷشٸن 2008 جىلى "دارىن" مەملەكەتتٸك جاستار سىيلىعىن يەلەنٸپ, 2009 جىلى قازاقستاننىڭ ەڭبەك سٸڭٸرگەن قايراتكەرٸ اتاندى.
2021 جىلى پرەزيدەنت وركەسترٸندەگٸ جيىرما جىلدىق قىزمەتٸن اياقتاپ, مايور شەنٸمەن زەينەتكە شىقتى.
2023 جىلدىڭ مامىر ايىندا استانا قالاسىنداعى جاستار تەاترىنىڭ ديرەكتورى قىزمەتٸنە تاعايىندالدى.
