مەرۋەرت ٶتەكەشوۆا قىز جٸبەكتٸڭ قامزولىن نەگە مۋزەيگە تاپسىرماي جٷرگەنٸن ايتتى

قازاقستاننىڭ حالىق ەرتٸسٸ مەرۋەرت ٶتەكەشوۆا "قىز جٸبەك" فيلمٸندە كيگەن قامزولىنىڭ ەلٸ كٷنگە دەيٸن ٶزٸندە ساقتاۋلى تۇرعانىن ايتتى. اكتريسا قۇندى جەدٸگەردٸ مۋزەيگە تاپسىرۋعا نيەتتٸ بولعانىمەن, ەزٸرگە بۇل ٸسكە اسىقپاي وتىر. بۇل تۋرالى ٶنەر يەسٸ "Qazaqstan" تەلەارناسىنا بەرگەن سۇحباتىندا مەلٸمدەدٸ, دەپ حابارلايدى ult.kz.

اكتريسانىڭ سٶزٸنشە, كٶپشٸلٸكتٸڭ قىزىعۋشىلىعىن تۋدىرعان تاريحي قامزولدى الدىمەن قالپىنا كەلتٸرٸپ, تيٸستٸ كٷتٸمنەن ٶتكٸزۋ قاجەت. سودان كەيٸن عانا ونى مۋزەي قورىنا ٶتكٸزۋدٸ جوسپارلاپ وتىر.

"قىز جٸبەكتٸڭ قامزولى ٶزٸمدە ساقتاۋلى. ونى ەلٸ رەتكە كەلتٸرۋٸم كەرەك. دايىن بولعاندا مۋزەيگە تاپسىرامىن. كينوستۋدييادا قىز جٸبەكتٸڭ تاعى بٸر كٶيلەگٸ, قامزولى مەن سەۋكەلەسٸ بار", – دەدٸ اكتريسا.

"قۇندى دٷنيەلەردٸڭ جوعالىپ كەتۋٸنەن قورقامىن"

مەرۋەرت ٶتەكەشوۆا ٷشٸن "قىز جٸبەك" فيلمٸنە قاتىستى ەربٸر بۇيىمنىڭ ورنى بٶلەك. ول قولىندا ساقتالعان ەستەلٸكتەر مەن تاريحي دٷنيەلەردٸ بٸر جٷيەگە كەلتٸرٸپ, كەلەشەك ۇرپاققا تابىستاۋدى كٶزدەيدٸ.

ٶنەر يەسٸ فيلمنٸڭ جارىققا شىققانىنا 50 جىل تولۋىنا وراي دەرەكتٸ تۋىندى تٷسٸرٸلگەنٸن دە ەسكە الدى. اكتريسانىڭ ايتۋىنشا, قازاق كينوسىنىڭ تاريحىنان سىر شەرتەتٸن مۇنداي دٷنيەلەردٸڭ ۇمىت قالماۋى ماڭىزدى.

"جاستار كٶرە مە, كٶرمەي مە, بٸلمەيمٸن. بٸراق ماقساتىم – قولىمدا بار دٷنيەنٸ جيناقتاپ, جازىپ, كەيٸنگٸ ۇرپاققا مۇرا ەتٸپ قالدىرۋ. ەلٸ ويىمدا جٷرگەن, اتقاراتىن ٸسٸم كٶپ. وسى ٸسكە ٶزٸم كٸرٸسپەسەم, قۇندى دٷنيەلەر جوعالىپ كەتە مە دەپ قورقامىن", – دەدٸ مەرۋەرت ٶتەكەشوۆا.

اكتريسا تاريحي جەدٸگەرلەردٸ ساقتاپ قالۋدى جەكە جاۋاپكەرشٸلٸگٸ سانايتىنىن جەتكٸزدٸ. ونىڭ پٸكٸرٸنشە, كينو ٶنەرٸنە قاتىستى مۇنداي مۇرالار بولاشاق ۇرپاق ٷشٸن دە قۇندى.

ەزٸرگە ەيگٸلٸ قىز جٸبەكتٸڭ قامزولى اكتريسانىڭ ٶزٸندە ساقتاۋلى. مەرۋەرت ٶتەكەشوۆا ونى الداعى ۋاقىتتا مۋزەيگە ٶتكٸزۋدٸ جوسپارلاعانىمەن, ناقتى مەرزٸمٸ مەن قاي مۋزەيگە تاپسىرىلاتىنىن جارييالاعان جوق.

مەرۋەرت ٶتەكەشوۆا كٸم?

مەرۋەرت قاراتايقىزى ٶتەكەشوۆا – قازاقتىڭ بەلگٸلٸ تەاتر جەنە كينو اكتريساسى, قازاقستاننىڭ ەڭبەك سٸڭٸرگەن ەرتٸسٸ. ول 1951 جىلى 25 اقپاندا ورال قالاسىندا دٷنيەگە كەلگەن. 1968 جىلى الماتىداعى №66 ورتا مەكتەپتٸ تەمامداعان.

سول جىلى ەيگٸلٸ رەجيسسەر سۇلتان قوجىقوۆتىڭ "قىز جٸبەك" فيلمٸنە باستى رٶلگە شاقىرىلىپ, كٶپشٸلٸككە كەڭٸنەن تانىلدى.

1973 جىلى قۇرمانعازى اتىنداعى قازاق مەملەكەتتٸك ٶنەر ينستيتۋتىن حاديشا بٶكەەۆانىڭ شەبەرحاناسىندا بٸتٸردٸ. سول جىلدان باستاپ مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاترىندا ەڭبەك ەتتٸ. ساحنادا قاراگٶز, ەڭلٸك, ەليمان سىندى كٷردەلٸ كەيٸپكەرلەردٸ سومدادى.