جامبىل وبلىسىندا تٶرت ايعا جۋىق ۋاقىت ٸشٸندە 384 باس ۇساق مالدى ۇرلادى دەگەن كٷدٸكپەن تٶرت ادام ۇستالدى. كەلتٸرٸلگەن شىعىن كٶلەمٸ 34 ميلليون تەڭگەدەن اسادى, دەپ حابارلايدى ult.kz.
پوليتسييانىڭ مەلٸمەتٸنشە, كٷدٸكتٸلەر بيىل شٸلدە-قازان ايلارى ارالىعىندا بايزاق اۋدانىندا بولعان تٶرت بٸردەي مال ۇرلىعىنا قاتىسى بار دەپ كٷدٸكتەلٸپ وتىر. ولار قورالار مەن جايىلىمداردان جالپى سانى 384 باس قوي-ەشكٸنٸ قولدى قىلعان.
اتالعان دەرەكتەر بويىنشا اسا ٸرٸ مٶلشەردە جاسالعان مال ۇرلىعى كٷدٸگٸمەن سوتقا دەيٸنگٸ تەرگەۋ باستالدى.
تەرگەۋ بارىسىندا پوليتسەيلەر زاتتاي دەلەلدەمەلەر جيناپ, كۋەگەرلەر مەن كٷدٸكتٸلەردەن جاۋاپ العان. قازٸرگٸ ۋاقىتتا تٶرت ازامات ۋاقىتشا ۇستاۋ يزولياتورىنا قامالدى.
پوليتسييا ولاردىڭ وسىعان ۇقساس ٶزگە دە قىلمىستارعا قاتىسى بار-جوعىن تەكسەرٸپ جاتىر.
