Jambyl oblysynda tórt aiǵa jýyq ýaqyt ishinde 384 bas usaq maldy urlady degen kúdikpen tórt adam ustaldy. Keltirilgen shyǵyn kólemi 34 million teńgeden asady, dep habarlaidy ult.kz.
Politsiianyń málimetinshe, kúdiktiler biyl shilde-qazan ailary aralyǵynda Baizaq aýdanynda bolǵan tórt birdei mal urlyǵyna qatysy bar dep kúdiktelip otyr. Olar qoralar men jaiylymdardan jalpy sany 384 bas qoi-eshkini qoldy qylǵan.
Atalǵan derekter boiynsha asa iri mólsherde jasalǵan mal urlyǵy kúdigimen sotqa deiingi tergeý bastaldy.
Tergeý barysynda politseiler zattai dáleldemeler jinap, kýágerler men kúdiktilerden jaýap alǵan. Qazirgi ýaqytta tórt azamat ýaqytsha ustaý izoliatoryna qamaldy.
Politsiia olardyń osyǵan uqsas ózge de qylmystarǵa qatysy bar-joǵyn tekserip jatyr.
