Halyq ártisi, ánshi Maqpal Júnisova marqum joldasy Zamanbek Nurqadilovtiń burynǵy videosymen jariialady, dep habarlaidy ult.kz.

Óner iesi áleýmettik jelidegi paraqshasynda bul beinejazba 2002 jyly qyzy Mereidiń shildehanasynda túsirilgenin aitty.

"Mereidiń shildehanasynan estelikter", - dep jazdy ánshi.

Jeli qoldanýshylary bul beinejazbany jyly qabyldap, estelik aitty.

"Aǵamyzdyń shynaiy bolmysy osy videoda. Úlkeni-kishisi, bastyǵy-óner adamy — bárine birdei qarap, kóńili kóldei bolyp, kúlip, qushaǵyn ashyp qarsy alatyn", "Qandai jaqsy adam bolǵan, kishkentai balalardy da qurmetpen qarsy alyp jatyr, men ákimmin dep shirenip turǵan joq", "Esimizde osy ádemi daýysy men jarqyn beinesimen qaldy", "Qandai kúshti estelik, kino kórgendei qarap otyrmyn", – dep jazdy oqyrmandar. 
 

Aita keteiik, Maqpal Júnisova áriptesterine jyly lebizin arnady.

Maqpal Júnisova kim?

Maqpal Muhamediiarqyzy Júnisova — qazaq estradasynyń tanymal ánshisi, Qazaqstannyń halyq ártisi, Memlekettik syilyqtyń laýreaty.

Ol 1964 jylǵy 11 qańtarda Qaraǵandy oblysynyń Terekti aýylynda dúniege kelgen. Shyǵarmashylyq jolyn «Gúlder» ansamblinde bastap, keiin «Qazaqkontsert» birlestigi janynan «Nazerke» ansamblin uiymdastyrǵan.

Ánshiniń repertýarynda halyq ánderi men lirikalyq shyǵarmalar bar. Onyń oryndaýyndaǵy «Ǵashyq júrek», «Qyz ǵumyr», «Fariza qyz», «Qoshtasý» ánderi tyńdarmanǵa keńinen tanys. Maqpal Júnisova 1994 jyly Qazaqstannyń halyq ártisi atanyp, 1999 jyly Memlekettik syilyqqa ie bolǵan.