Ártis ári prodiýser Darhan Musaev «Súiemin deshi» atty jańa filminiń kórermenge jol tartatyn ýaqytyn ózgertkenin aitty. Buǵan burynǵy jubaiy Dariǵa Badyqovanyń «Sońyra» týyndysynyń sol kezeńde jaryqqa shyǵýy sebep bolǵan, dep habarlaidy ult.kz.

Prodiýser óz filmin qarasha aiynyń ortasynda usynýdy josparlaǵan. Alaida eki kartinanyń kórsetilimi tuspa-tus keletinin bilgen soń, premerany shegerýdi jón kórgen.

Musaevtyń sózinshe, ol bul jaittyń jurt arasynda túrli áńgimege arqaý bolǵanyn qalamaidy. Ásirese, «burynǵy jubaiynyń filmin paidalanyp, haip qýdy» degen pikir týyndamas úshin osyndai sheshim qabyldaǵan.

Aita keteiik, Dariǵa Badyqova Oljas Abaiǵa erekshe yqylasyn bildirdi.

Darhan Musaev kim?

Darhan Musaev — qazaqstandyq teatr jáne kino akteri, prodiýser. Kórermenge «Kúieý bala» telehikaiasy arqyly tanys. Bul jobada ol Dariǵa Badyqovamen birge erli-zaiyptylardyń rólin somdaǵan. Onyń shyǵarmashylyq joly Muhtar Áýezov atyndaǵy teatrmen de bailanysty: «Don Sezar de Bazan» qoiylymynda Kapitan rólin oryndaǵan.

Keiingi ýaqytta kino óndirisine bet buryp, prodiýserlik jumyspen ainalysa bastaǵan. 2026 jyldyń aqpanynda jańa film túsirýge kiriskenin habarlap, keiin basty rólderge kasting jariialaǵan.

Ol aktrisa Dariǵa Badyqovanyń burynǵy jubaiy retinde de belgili. Musaevtyń aitýynsha, ekeýi 16 jyl birge turyp, 2024 jyldyń kúzinde ajyrasqan. 2026 jylǵy qazanda akter qaita nekege turǵanyn málimdedi.