Túrki memleketteri uiymyna (TMU) múshe elderdiń basshylary túrki álemi óner sheberleriniń kontsertin tamashalady, dep habarlaidy ult.kz.
Merekelik kontsertte «Túrki álemi» ansambli men Túrkiia Respýblikasy Prezidenttik simfoniialyq orkestri uiymǵa múshe memleketterdiń tańdaýly mýzykalyq shyǵarmalaryn oryndady.
Sondai-aq kórermender túrki halyqtarynyń ulttyq bilerin tamashalady. Is-shara barysynda Túrkiianyń tanymal ánshisi Kyrach pen Qazaqstannyń halyq ártisi Dimash Qudaibergen óner kórsetti.
Qazaqstandyq ánshiniń óneri kontsert qonaqtarynyń erekshe yqylasyna bólendi.
Foto: Aqorda baspasóz qyzmetinen
