Jańaózende munai ónimderiniń zańsyz ainalymyna qatysy bar degen kúdikpen er adam ustaldy. Politseiler jeke baza aýmaǵynan munai ónimderi quiylǵan tórt tonnalyq ydysty tárkilegen, dep habarlaidy ult.kz.
Polisia.kz málimetinshe, Mańǵystaý oblysy politsiia departamentiniń uiymdasqan qylmysqa qarsy kúres basqarmasy arnaiy bólimshe qyzmetkerlerimen birlesip, jedel is-shara júrgizgen.
Tekserý barysynda Jańaózen qalasyndaǵy Raýan shaǵynaýdanynyń ónerkásiptik aimaǵynda ornalasqan jeke bazadan zańsyz munai ónimderi anyqtalǵan. Nysan aýmaǵynda júrgen er adam ustalyp, tórt tonnalyq ydys tárkilendi.
Atalǵan derek boiynsha Qylmystyq kodekstiń 233-babynyń 1-bóligimen qylmystyq is qozǵaldy.
Qazir tárkilengen munai ónimderiniń shyǵý tegi men zańsyz ainalymǵa qatysy bar ózge de mán-jailar anyqtalyp jatyr.
