Qazaqstanda balalardyń quqyqtaryn qorǵaýǵa arnalǵan tsifrlyq tetikter halyqaralyq delegatsiia ókilderiniń qyzyǵýshylyǵyn týdyrdy. Finliandiia, Japoniia, Qyrǵyzstan jáne Ózbekstannyń Bala quqyqtary jónindegi ýákilderi, sondai-aq BUU men IýNISEF ókilderi «Azamattarǵa arnalǵan úkimet» memlekettik korporatsiiasynyń 111 bailanys ortalyǵynyń jumysymen tanysty, dep habarlaidy ult.kz.
Kezdesý QR Parlamenti Májilisi Tóraǵasynyń orynbasary Dinara Zákievanyń shaqyrýymen ótken «Balalar úni: ulttyq strategiialar jáne qaýipsiz tsifrlyq orta» atty II halyqaralyq forým aiasynda uiymdastyryldy.
Sheteldik qonaqtarǵa bailanys ortalyǵynyń jumysy, balalardan kelip túsken ótinishterdi qabyldaý jáne jedel óńdeý tártibi tanystyryldy. Ásirese, býlling, zorlyq-zombylyq jáne basqa da quqyq buzýshylyqtar týraly habarlaýǵa múmkindik beretin QR-arnaǵa erekshe nazar aýdaryldy.
Qazaqstanda 2024 jyldyń sońynda iske qosylǵan bul tsifrlyq qural Bala quqyqtary jónindegi ýákildiń qoldaýymen elimizdegi barlyq bilim berý uiymdaryna engizilgen.
QR-kodty skanerlegen bala arnaiy chatqa ótip, óz máselesin mamandarǵa jetkize alady. Sonymen qatar oǵan psihologiialyq jáne quqyqtyq kómek kórsetiledi. Eger ótinishte balanyń ómiri men densaýlyǵyna nemese qaýipsizdigine tóngen qater týraly aqparat bolsa, ol tiisti memlekettik organdarǵa, sonyń ishinde quqyq qorǵaý organdaryna joldanady.
2026 jyldyń alǵashqy toǵyz aiynda 111 bailanys ortalyǵyna balalardan 51 myńnan astam ótinish túsken. Onyń 48 myńnan astamy QR-arna arqyly, al 3 myńnan astamy telefon qońyraýlary arqyly qabyldanǵan.
«111 – otbasy máseleleri, áielder men balalardyń quqyqtaryn qorǵaý boiynsha kómek kórsetetin bailanys arnasy. Bailanys ortalyǵynyń qyzmeti 2023 jyly Memlekettik korporatsiiaǵa berildi. Sodan beri ortalyq mamandary 552 myńnan astam ótinish qabyldady. Onyń 193 myńnan astamy tikelei balalardan kelip tústi», – dedi «Azamattarǵa arnalǵan úkimet» memlekettik korporatsiiasynyń basqarma tóraǵasy Arman Kenjeǵaliev.
Halyqaralyq delegatsiia músheleri ortalyqtyń jumys tájiribesimen tanysyp qana qoimai, mundai tsifrlyq tetikterdi óz elderinde engizý múmkindikterin de talqylady.
Sapar barysynda sheteldik qonaqtar Memlekettik korporatsiianyń Ahýaldyq ortalyǵy men elordadaǵy halyqqa qyzmet kórsetý ortalyǵyna da bardy. Ahýaldyq ortalyqta derekterdi taldaý, jumys protsesterin baqylaý jáne qurylymdyq bólimshelerdiń qyzmetin úilestirý júiesi kórsetildi. Al HQKO-da memlekettik qyzmetterdi alýdy jeńildetýge arnalǵan tsifrlyq sheshimder tanystyryldy.
Osylaisha, halyqaralyq delegatsiia Qazaqstannyń balalar quqyǵyn qorǵaý salasynda tsifrlyq tehnologiialardy qoldaný tájiribesin jáne memlekettik qyzmet kórsetý júiesindegi jańashyldyqtardy zerdeledi.
