Aqtóbede buryn kezdesken qyzyn intimdik foto-videolaryn jariialaimyn dep qorqytyp, aqsha talap etken er adam ustaldy, dep habarlaidy ult.kz.
Polisia.kz málimetinshe, kúdikti bir ai buryn tanysyp, jaqyn qarym-qatynasta bolǵan 21 jastaǵy qala turǵynyn bopsalaǵan. Aldymen odan 30 myń teńge alǵan. Keiin qysymyn jalǵastyryp, taǵy 70 myń teńge talap etken.
Uiymdasqan qylmysqa qarsy kúres basqarmasynyń qyzmetkerleri kúdiktini aqshanyń ekinshi bóligin alý kezinde ustaǵan. Ol ýaqytsha ustaý izoliatoryna qamaldy.
Qazir atalǵan derek boiynsha qylmystyq is qozǵalyp, tergeý júrgizilip jatyr. Qoldanystaǵy zańnamaǵa sáikes, mundai qylmys úshin múlki tárkilenip, tórt jylǵa deiin bas bostandyǵynan aiyrý jazasy kózdelgen.
