30 qazanda Qazaqstannyń birqatar óńirinde jańbyr men qar jaýyp, tuman túsedi. Soltústik pen shyǵysta kóktaiǵaq bolýy múmkin, al batysta jaýyn-shashynsyz aýa raiy saqtalady, dep habarlaidy ult.kz.
Astanada túnde azdaǵan qar aralas jańbyr jaýady. Aýa temperatýrasy túnde −4…−2°C, kúndiz +7…+9°C bolady. Batystan soǵatyn jeldiń jyldamdyǵy túnde 2–7, kúndiz 5–10 m/s-qa jetedi. Almatyda jaýyn-shashyn kútilmeidi: túnde +1…+3°C, kúndiz +12…+14°C. Soltústik-shyǵystan 3–8 m/s jel soǵady. Shymkentte de kún jaýyn-shashynsyz ótedi. Túnde +4…+6°C, kúndiz +17…+19°C bolady. Soltústik-shyǵys jeliniń jyldamdyǵy — 2–7 m/s.
Eldiń soltústiginde, shyǵysynda, ońtústigi men ortalyǵynda jańbyr men qar kútiledi. Shyǵysta jaýyn-shashyn mol túsýi múmkin. Jambyl, Almaty, Jetisý oblystarynda, Túrkistan oblysynyń batysynda jáne Qyzylorda oblysynyń soltústigi men ortalyǵynda túnde −1…−9°C úsik boljanady. Birqatar óńirde tuman túsip, jel kúsheiedi.
