Shymkent – Almaty baǵytyndaǵy reiste konditsioneri qosylmaǵan, esikteri jabyq ushaqtyń ishinde 45 minýt otyrǵan jolaýshy FlyArystan áýe kompaniiasyn sotqa berip, moraldyq ziian úshin ótemaqy óndirip aldy, dep habarlaidy ult.kz.
Newtimes.kz portalynyń habarlaýynsha, oqiǵa shilde aiynda Shymkent áýejaiynda bolǵan. Syrttaǵy aýa temperatýrasy 40 gradýsqa jetken kezde jolaýshylar jabyq ushaqtyń ishinde konditsionersiz shamamen 45 minýt kútýge májbúr bolǵan.
Zańger Abylai Baitenov qyzmet kórsetý sapasyna kelispei, sotqa talap aryz túsirgen. Ol negizgi dálel retinde oqiǵa kezinde smartfonyna túsirilgen beinejazbalardy usynǵan.
«Shilde aiynda keshki saǵat 17:00-de Shymkent áýejaiynda esikteri jabyq, konditsioneri qosylmaǵan ushaqtyń ishinde bizdi 45 minýt boiy ustap otyrdy. Sottaǵy áýe tasymaldaýshynyń ustanymy mynadai boldy: eshqandai qorqynyshty jaǵdai joq, ondai bolyp turady, eshqandai zańbuzýshylyq joq», – dep jazdy Baitenov áleýmettik jelidegi paraqshasynda.
Birinshi satydaǵy sot jolaýshynyń talabyn qanaǵattandyrdy. Sot sheshimimen FlyArystan kompaniiasynan moraldyq ziian úshin ótemaqy óndirilip, talap qoiýshynyń sot shyǵyndaryn tolyq óteý mindetteldi.
Zańger istiń ári qarai jalǵasýyna daiyn ekenin aityp, áýe kompaniiasy apelliatsiialyq shaǵym túsirýi múmkin ekenin jetkizdi.
