Almatynyń 10-shaǵyn aýdanynda qarý alyp júrgen kúdikti er adam ustaldy, dep habarlaidy ult.kz.
Qalalyq politsiianyń málimetinshe, oqiǵa 28 qazanda saǵat 21:00 shamasynda bolǵan. Patrýldik politsiianyń «Býran-355» ekipajy kúdik týdyrǵan er adamdy teksergen kezde, ol ózimen birge qarý bar ekenin aitqan.
Oqiǵa ornyna jedel-tergeý toby shaqyryldy. Aldyn ala málimet boiynsha, tárkilengen zat — 9 mm kalibrli travmatikalyq qarý bolýy múmkin.
Qazir qarýdyń shyǵý tegi men sipattamalaryn anyqtaý úshin saraptama taǵaiyndaldy. Sondai-aq onyń ózge qylmystarǵa qatysy bar-joǵy tekserilip jatyr.
Atalǵan derek boiynsha Áýezov aýdandyq politsiia basqarmasy qylmystyq is qozǵady. Ustalǵan azamattyń áreketine quqyqtyq baǵa beriledi.
