Tanymal akter Oljas Abai jeke ómirine qatysty aitylyp júrgen túrli pikirlerge jaýap berip, burynǵy otbasymen ajyrasý sebebine qatysty túsinikteme berdi, dep habarlaidy ult.kz.
Óner iesi qazirgi jary, aktrisa Dariǵa Badyqovany áleýmettik jelide synap, jaǵymsyz pikir jazatyndarǵa úndeý jasady. Ol otbasy týraly negizsiz áńgimelerdiń taralýyna narazylyǵyn bildirip, jubaiyna til tigizbeýdi surady.
Akterdiń aitýynsha, alǵashqy nekesi toǵyz jyl buryn eki taraptyń ortaq kelisimimen aiaqtalǵan. Sol ýaqytta ol Dariǵa Badyqovamen múlde tanys bolmaǵanyn atap ótti.
"Endi meniń janymdaǵy kisini bireý renjitse, maǵan renjimesin. Jaman sóz jazyp, tabalai bermeńder. Eshkim eshkimniń bala-shaǵasynan ajyratqan joq. Birinshi nekeden 9 jyl buryn eki jaqqa kelisimdi túrde ketken adamdarmyz. Ol kezde Dariǵany tanymaimyn da. Osy men osy taqyryp jabylsyn. Baqyt tilep jatqan jandar, sizderdi ónermen talai qýantamyz", – dedi Oljas Abai.
Osylaisha akter qazirgi jubaiynyń burynǵy otbasymen ajyrasýyna qatysy joq ekenin jetkizdi. Sondai-aq jeke ómirine qatysty talqylaýdy toqtatýdy surap, ózine jáne otbasyna qoldaý bildirgen jandarǵa alǵysyn aitty.
Aita keteiik, buǵan deiin Dariǵa Badyqova da áleýmettik jelidegi paraqshasynda ózine baǵyttalǵan syn-pikirlerge jaýap berip, jeke ómirine qatysty aitylyp júrgen áńgimelerge pikir bildirgen.
Oljas Abai kim?
Oljas Abai (Janabekov) – qazaqstandyq akter, ánshi jáne prodiýser. Óner iesi Temirbek Júrgenov atyndaǵy Qazaq ulttyq óner akademiiasyn "Drama teatry jáne kino akteri" mamandyǵy boiynsha támamdaǵan. Keiin Ǵabit Músirepov atyndaǵy balalar men jasóspirimder teatrynda eńbek etken.
Kópshilikke "Ochooou" nemese "Ochoý" sahnalyq esimimen de tanys.
Ol "Brat ili brak", "Klasstastar", "Sisitai", "Bazar joq, Meksika!" jáne "Taptym-aý seni" filmderindegi rólderi arqyly tanylǵan.
Akterlikpen qatar ánshilik ónerdi de qatar alyp júrip, birneshe mýzykalyq týyndysyn jaryqqa shyǵarǵan.
Óner iesi túrli televiziialyq jáne shyǵarmashylyq jobalarǵa qatysqan.
2026 jyldyń qazan aiynda aktrisa Dariǵa Badyqovamen shańyraq kóterdi.
