Qazaqstandyq tanymal ánshi Altynai Jorabaeva 48 jasqa tolǵan týǵan kúnin otbasymen birge atap ótti. Óner iesi mereili kúnine orai kúieýinen alǵan syilyqtaryn kópshilikke kórsetip, júrekjardy jazbasyn jariialady, dep habarlaidy ult.kz.

Ánshi áleýmettik jelidegi paraqshasynda týǵan kúninen estelik sýretter bólisti. Kadrlardan otbasymen birge túsken sátterin, qushaq-qushaq gúlder men túrli syilyqtardy kórýge bolady.

Jańa jasyn erekshe kóńil kúimen qarsy alǵan óner iesi eń aldymen Jaratqanǵa shúkirshilik aityp, janynan tabylǵan joldasy men qyzdaryna alǵysyn jetkizdi.

«Qosh keldiń, 48 jasym. Allaǵa sansyz maqtaýlar men madaqtar. Maǵan tilegen tilekterińiz, ózderińizge eselep qaitsyn. Alla qosqan qosaǵyma, qyzdaryma myń alǵys. Senderdi sheksiz jaqsy kóremin», – dep jazdy ánshi.

Altynai Jorabaevanyń qýanyshyna ónerdegi áriptesteri men jankúierleri de ortaqtasty. Olar ánshiniń jazbasynyń astyna jyly lebizderin qaldyryp, jańa jasynda baqyt pen shyǵarmashylyq tabys tiledi.

Aita keteiik, Altynai Jorabaeva qyzynyń toiyn dúrkiretip ótkizdi.

Altynai Jorabaeva kim?

Altynai Jorabaeva – qazaqstandyq tanymal estrada ánshisi, dástúrli án óneri men zamanaýi estradany ushtastyryp júrgen óner iesi. Ol 1978 jyly 28 qazanda dúniege kelgen. Ánshi kópshilikke qazaqy naqyshtaǵy ánderimen jáne ulttyq ónerdi dáripteitin shyǵarmashylyǵymen tanylǵan.

Altynai Jorabaeva uzaq jyldar boiy qazaq estradasynda óner kórsetip, ózindik oryndaýshylyq mánerimen tyńdarman yqylasyna bólendi. Onyń repertýarynda mahabbat, otbasy, ata-anaǵa qurmet jáne týǵan jer taqyrybyndaǵy ánder bar. Óner iesi Qazaqstannyń túrli óńirlerinde kontsert berip, shyǵarmashylyq keshter uiymdastyryp keledi.

Ánshi jeke ómirimen de kópshiliktiń nazarynda. Ol tórt qyzdyń anasy. Qazirgi joldasy – Sábit Ábdihalyqov emes, Qudaibergen esimdi azamat. Altynai Jorabaeva áleýmettik jelide otbasylyq ómirinen úzindiler jariialap, qyzdarynyń jetistikterimen bólisip turady. 2026 jyldyń 28 qazanynda óner iesi 48 jasqa toldy.