Belgili ázilkesh Tursynbek Qabatovtyń kontsertinde kópshiliktiń kóńilin tolqytqan erekshe sát boldy. Óner iesine jasy úlken qariia aq batasyn berip, izgi tilegin jetkizdi, dep habarlaidy ult.kz.
Ázilkesh bul áserli sáttiń videosyn áleýmettik jelidegi jeke paraqshasynda jariialaǵan. Beinejazbada aqsaqaldyń kópshilik aldynda qol jaiyp, Tursynbek Qabatovqa aq tilegin arnaǵanyn kórýge bolady.
Qariia óner iesiniń aldaǵy ómirine jaqsylyq tilep, el aldyndaǵy abyroiy arta berýin suraǵan.
"Jamanshylyqqa baspasyn, jaqsylyqqa bastasyn. Mal iesi – Muhammed, jan iesi – Haziret, etken niet qabyl et, shalqar kóldei kóp bolsyn – qymyz benen airanyń. Ataǵyń men atyńnan jurtqa tisin qairanyń. Aidaǵysyz maldy bol, otyz uldy orda bol, patshadai uldy bol! Taba almastan maldy bol!" – dep bata berdi aqsaqal.
Tursynbek Qabatov qariianyń tilegin qurmetpen tyńdap, qolyn jaiyp, sońynda "Áýmin" dep batasyn qabyl aldy.
Tursynbek Qabatov kontserttik týr ótkizip júr
Aita keteiik, biyl 47 jasqa tolǵan ázilkesh týǵan kúnine orai aýqymdy kontserttik týr uiymdastyrǵan.
Buǵan deiin óner iesiniń týǵan kúnin týǵan jeri Oral qalasynda erekshe atap ótkeni habarlanǵan. Ázilkesh kórermenderimen kezdesip, shyǵarmashylyq baǵdarlamasyn usynǵan.
Tursynbek Qabatov kim?
Tursynbek Qabatov – qazaqstandyq tanymal ázilkesh, akter, telejúrgizýshi jáne Qazaqstannyń eńbek sińirgen qairatkeri. Tolyq aty-jóni – Tursynbek Amanǵaliuly Qabatov. Ol 1979 jylǵy 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Sáken Seifýllin atyndaǵy Qazaq agrotehnikalyq ýniversitetin támamdaǵan.
Eńbek jolyn 2000 jyly Ǵarifolla Qurmanǵaliev atyndaǵy Batys Qazaqstan oblystyq filarmoniiasynda bastaǵan. 2001 jyldan bastap Kóńildi tapqyrlar klýbynda óner kórsetip, "Agrarka sarbazdary", "Astana.kz" jáne "Qazaqi" komandalarynyń quramynda oinaǵan.
2010 jyly TMD elderiniń úzdik KVN oiynshysy ataǵyna ie bolǵan
2011 jyldan bastap "Ázil álemi" ázil-syqaq teatryna jetekshilik etken.
2014 jyly Qaztalov aýdanynyń qurmetti azamaty atanyp, 2015 jyly Qazaqstannyń eńbek sińirgen qairatkeri ataǵyn alǵan.
Óner iesi kúndelikti turmys pen qoǵamdaǵy túrli jaǵdailardy ázilge arqaý etip, jeke kontsertteri men televiziialyq jobalary arqyly kópshilikke tanylǵan.
