بەلگٸلٸ ەزٸلكەش تۇرسىنبەك قاباتوۆتىڭ كونتسەرتٸندە كٶپشٸلٸكتٸڭ كٶڭٸلٸن تولقىتقان ەرەكشە سەت بولدى. ٶنەر يەسٸنە جاسى ٷلكەن قارييا اق باتاسىن بەرٸپ, ٸزگٸ تٸلەگٸن جەتكٸزدٸ, دەپ حابارلايدى ult.kz.
ەزٸلكەش بۇل ەسەرلٸ سەتتٸڭ ۆيدەوسىن ەلەۋمەتتٸك جەلٸدەگٸ جەكە پاراقشاسىندا جارييالاعان. بەينەجازبادا اقساقالدىڭ كٶپشٸلٸك الدىندا قول جايىپ, تۇرسىنبەك قاباتوۆقا اق تٸلەگٸن ارناعانىن كٶرۋگە بولادى.
قارييا ٶنەر يەسٸنٸڭ الداعى ٶمٸرٸنە جاقسىلىق تٸلەپ, ەل الدىنداعى ابىرويى ارتا بەرۋٸن سۇراعان.
"جامانشىلىققا باسپاسىن, جاقسىلىققا باستاسىن. مال يەسٸ – مۇحاممەد, جان يەسٸ – حازٸرەت, ەتكەن نيەت قابىل ەت, شالقار كٶلدەي كٶپ بولسىن – قىمىز بەنەن ايرانىڭ. اتاعىڭ مەن اتىڭنان جۇرتقا تيسٸن قايرانىڭ. ايداعىسىز مالدى بول, وتىز ۇلدى وردا بول, پاتشاداي ۇلدى بول! تابا الماستان مالدى بول!" – دەپ باتا بەردٸ اقساقال.
تۇرسىنبەك قاباتوۆ قارييانىڭ تٸلەگٸن قۇرمەتپەن تىڭداپ, قولىن جايىپ, سوڭىندا "ەۋمين" دەپ باتاسىن قابىل الدى.
تۇرسىنبەك قاباتوۆ كونتسەرتتٸك تۋر ٶتكٸزٸپ جٷر
ايتا كەتەيٸك, بيىل 47 جاسقا تولعان ەزٸلكەش تۋعان كٷنٸنە وراي اۋقىمدى كونتسەرتتٸك تۋر ۇيىمداستىرعان.
بۇعان دەيٸن ٶنەر يەسٸنٸڭ تۋعان كٷنٸن تۋعان جەرٸ ورال قالاسىندا ەرەكشە اتاپ ٶتكەنٸ حابارلانعان. ەزٸلكەش كٶرەرمەندەرٸمەن كەزدەسٸپ, شىعارماشىلىق باعدارلاماسىن ۇسىنعان.
تۇرسىنبەك قاباتوۆ كٸم?
تۇرسىنبەك قاباتوۆ – قازاقستاندىق تانىمال ەزٸلكەش, اكتەر, تەلەجٷرگٸزۋشٸ جەنە قازاقستاننىڭ ەڭبەك سٸڭٸرگەن قايراتكەرٸ. تولىق اتى-جٶنٸ – تۇرسىنبەك امانعاليۇلى قاباتوۆ. ول 1979 جىلعى 10 قازاندا باتىس قازاقستان وبلىسى قازتالوۆ اۋدانىنىڭ اقپەتەر اۋىلىندا دٷنيەگە كەلگەن. سەكەن سەيفۋللين اتىنداعى قازاق اگروتەحنيكالىق ۋنيۆەرسيتەتٸن تەمامداعان.
ەڭبەك جولىن 2000 جىلى عاريفوللا قۇرمانعاليەۆ اتىنداعى باتىس قازاقستان وبلىستىق فيلارمونيياسىندا باستاعان. 2001 جىلدان باستاپ كٶڭٸلدٸ تاپقىرلار كلۋبىندا ٶنەر كٶرسەتٸپ, "اگراركا ساربازدارى", "استانا.kz" جەنە "قازاقي" كوماندالارىنىڭ قۇرامىندا ويناعان.
2010 جىلى تمد ەلدەرٸنٸڭ ٷزدٸك كۆن ويىنشىسى اتاعىنا يە بولعان
2011 جىلدان باستاپ "ەزٸل ەلەمٸ" ەزٸل-سىقاق تەاترىنا جەتەكشٸلٸك ەتكەن.
2014 جىلى قازتالوۆ اۋدانىنىڭ قۇرمەتتٸ ازاماتى اتانىپ, 2015 جىلى قازاقستاننىڭ ەڭبەك سٸڭٸرگەن قايراتكەرٸ اتاعىن العان.
ٶنەر يەسٸ كٷندەلٸكتٸ تۇرمىس پەن قوعامداعى تٷرلٸ جاعدايلاردى ەزٸلگە ارقاۋ ەتٸپ, جەكە كونتسەرتتەرٸ مەن تەلەۆيزييالىق جوبالارى ارقىلى كٶپشٸلٸككە تانىلعان.
