تانىمال اكتريسا داريعا بادىقوۆانىڭ بۇرىنعى كٷيەۋٸ, اكتەر دارحان مۇساەۆ جەكە ٶمٸرٸندەگٸ قۋانىشتى جاڭالىعىن جارييالادى. ٶنەر يەسٸ سٷيٸكتٸسٸمەن زاڭدى نەكەگە تۇرعانىن مەلٸمدەدٸ, دەپ حابارلايدى ult.kz.
اكتەر بۇل جاڭالىعىن ەلەۋمەتتٸك جەلٸدەگٸ پاراقشاسىندا بٶلٸسٸپ, وقىرماندارىنان سٷيٸنشٸ سۇرادى. ول ٶمٸرٸندە جاڭا كەزەڭ باستالعانىن ايتىپ, وتباسىن قۇرعانىن جەتكٸزدٸ.
"بٷگٸن سٸزدەرمەن ەكٸنشٸ جاڭالىعىممەن بٶلٸسسەم دەپ وتىرمىن. ەرينە, جالعىزدىق قۇدايعا عانا جاراسقان. بٷگٸن مەن, بٷگٸن بٸز نەكەگە وتىردىق. ال, سٷيٸنشٸ, قۇتتىقتاپ قويساڭىزدار بولادى", – دەدٸ دارحان مۇساەۆ.
ٶنەر يەسٸنٸڭ بۇل مەلٸمدەمەسٸ جەلٸ قولدانۋشىلارىنىڭ نازارىن اۋداردى. وقىرماندار اكتەردٸ جاڭا ٶمٸرٸمەن قۇتتىقتاپ, جاس وتباسىنا باقىت پەن بەرەكە تٸلەدٸ.
ايتا كەتەيٸك, دارحان مۇساەۆ بۇعان دەيٸن دە جەكە ٶمٸرٸندەگٸ ٶزگەرٸستەر تۋرالى ايتىپ, كٶپشٸلٸككە جاڭا سٷيٸكتٸسٸن تانىستىرعان. ەندٸ اكتەر ەكەۋٸنٸڭ قارىم-قاتىناسى رەسمي نەكەگە ۇلاسقانىن حابارلادى.
"16 جىل بٸرگە تۇردىق": دارحان مۇساەۆ اجىراسۋى تۋرالى نە ايتقان?
ەسكە سالايىق, دارحان مۇساەۆ بۇعان دەيٸن تانىمال اكتريسا داريعا بادىقوۆامەن 16 جىل وتباسىلى بولعان. ولاردىڭ اجىراسۋى 2025 جىلدىڭ قازان ايىندا كٶپشٸلٸكتٸڭ قىزۋ تالقىسىنا تٷستٸ. سول كەزدە اكتەر جۋرناليست نۇرسەيٸت جىلقىشىبايدىڭ "ۋاقىت كٶرسەتەدٸ" باعدارلاماسىنا قاتىسىپ, بۇرىنعى نەكەسٸ تۋرالى اشىق ەڭگٸمەلەگەن. سۇحبات بارىسىندا ول وتباسىلىق ٶمٸردە جٸبەرگەن قاتەلٸكتەرٸن ەسكە الىپ, كەيبٸر شەشٸمدەرٸنە ٶكٸنەتٸنٸن جاسىرمادى. ەسٸرەسە بۇرىنعى جۇبايىنىڭ كٶڭٸلٸنە قاراپ, تۋعان-تۋىستارىمەن ارالاسۋى سيرەگەنٸن ايتقان.
"ٶمٸردٸڭ ٶزٸ ٶكٸنٸشتەن تۇرادى. ٶكٸنەمٸن. قاتتى ٶكٸنەمٸن", – دەدٸ اكتەر سۇحباتىندا.
الايدا داريعا بادىقوۆا بۇرىنعى كٷيەۋٸنٸڭ مەلٸمدەمەلەرٸمەن كەلٸسپەي, ەلەۋمەتتٸك جەلٸدە ٶز ۇستانىمىن بٸلدٸردٸ. اكتريسا نەكەلەرٸ كەزٸندە باقىتتى ٶمٸر سٷرمەگەنٸن ايتىپ, اجىراسۋعا بٸرنەشە جاعداي سەبەپ بولعانىن جەتكٸزدٸ. كەيٸن ول اتالعان سۇحباتقا بايلانىستى سوتقا جٷگٸندٸ, الايدا 2026 جىلعى اقپاندا سوت ونىڭ تالاپتارىن قاناعاتتاندىرمادى.
ال دارحان مۇساەۆ 2026 جىلعى قازاندا "نە دەيدٸ?" باعدارلاماسىنا بەرگەن سۇحباتىندا اجىراسۋدان كەيٸنگٸ سىن-پٸكٸرلەر مەن ٶتكەن ٶمٸرٸندەگٸ كٶڭٸلٸندە قالعان جاعدايلار تۋرالى تاعى دا ەڭگٸمەلەدٸ.
