قازاقستاننىڭ حالىق ەرتٸسٸ, تانىمال اكتريسا مەرۋەرت ٶتەكەشوۆا قازاقتىڭ بۇلبۇلى بيبٸگٷل تٶلەگەنوۆا تۋرالى ەستەلٸكتەرٸمەن بٶلٸستٸ. ٶنەر يەسٸ ٶزٸن كٶپشٸلٸكتٸڭ ەيگٸلٸ ەنشٸگە جيٸ ۇقساتاتىنىن ايتىپ, وعان دەگەن ەرەكشە قۇرمەتٸن جەتكٸزدٸ, دەپ حابارلايدى ult.kz.
اكتريسا "Qazaqstan" ۇلتتىق ارناسىنداعى "تاڭشولپان" باعدارلاماسىنا قوناق بولىپ, بيبٸگٷل تٶلەگەنوۆانىڭ ٶنەردەگٸ ورنى مەن ٶمٸر جولىنا توقتالدى.
مەرۋەرت ٶتەكەشوۆانىڭ ايتۋىنشا, ول مەكتەپ قابىرعاسىندا جٷرگەن كەزٸنەن-اق ەنشٸنٸڭ ەرەكشە داۋىسىن سٷيسٸنە تىڭداعان. راديودان شىرقالعان ەندەرٸ ەلٸ كٷنگە دەيٸن ەسٸندە ساقتالعان.
"مەكتەپتە وقيتىن كەزٸمٸزدە بيبٸگٷل اپايدىڭ داۋىسىن راديودان ەستيتٸنبٸز. داۋىسى ەشكٸمگە ۇقسامايدى, سىڭعىر-سىڭعىر. بٸراز جاسقا كەلسە دە داۋىسى بار, ەل سىيلايدى. ول كٸسٸ جاس كەزٸنەن قيىنشىلىق كٶردٸ. زاۋىتتا جۇمىس ٸستەگەن. سول كەزدە بٸرنەشە جىلدان كەيٸن ول كٸسٸنٸڭ وسىنداي تانىمال ەنشٸ بولارىن ەشكٸم بٸلمەدٸ", – دەدٸ اكتريسا.
ٶنەر يەسٸ بيبٸگٷل تٶلەگەنوۆانىڭ تانىمالدىلىققا جەتۋ جولى وڭاي بولماعانىن اتاپ ٶتتٸ. ونىڭ سٶزٸنشە, ەنشٸ ەڭبەك جولىن زاۋىتتا باستاعانىمەن, ەرەكشە داۋىسىنىڭ ارقاسىندا ٶنەر ەلەمٸنە جول اشقان.
اكتريسا ەنشٸنٸڭ تابيعي دارىنى كەزٸندە مامانداردىڭ نازارىن اۋدارىپ, كونسەرۆاتورييادا بٸلٸم الۋىنا مٷمكٸندٸك تۋعانىن دا ەسكە الدى.
سونداي-اق مەرۋەرت ٶتەكەشوۆا كٶپشٸلٸكتٸڭ ٶزٸن بيبٸگٷل تٶلەگەنوۆاعا ۇقساتاتىنىن جاسىرمادى.
"مەنٸ كٶپشٸلٸك اپامىزعا ۇقساتىپ جاتادى. بٸر جاعىنان وعان قۋانامىن", – دەدٸ ول.
اكتريسانىڭ بۇل سٶزٸ ونىڭ ەيگٸلٸ ەنشٸگە دەگەن قۇرمەتٸن اڭعارتتى.
ايتا كەتەيٸك, بيبٸگٷل تٶلەگەنوۆا – قازاق وپەرا ٶنەرٸنٸڭ كٶرنەكتٸ ٶكٸلٸ, كسرو حالىق ەرتٸسٸ. ال مەرۋەرت ٶتەكەشوۆا كٶرەرمەنگە "قىز جٸبەك" فيلمٸندەگٸ باستى رٶلٸ ارقىلى كەڭٸنەن تانىلعان.
مەرۋەرت ٶتەكەشوۆا كٸم?
مەرۋەرت قاراتايقىزى ٶتەكەشوۆا – قازاقتىڭ بەلگٸلٸ تەاتر جەنە كينو اكتريساسى, قازاقستاننىڭ حالىق ەرتٸسٸ. ول 1951 جىلى 25 اقپاندا ورال قالاسىندا دٷنيەگە كەلگەن.
1968 جىلى الماتىداعى №66 مەكتەپتٸ بٸتٸرٸپ, ەيگٸلٸ "قىز جٸبەك" فيلمٸنٸڭ باستى رٶلٸنە تاڭدالعان. وسى تۋىندىداعى جٸبەك بەينەسٸ ارقىلى بٷكٸل قازاق حالقىنا تانىلدى. 1969–1973 جىلدارى قۇرمانعازى اتىنداعى مەملەكەتتٸك ٶنەر ينستيتۋتىندا كسرو حالىق ەرتٸسٸ حاديشا بٶكەەۆادان بٸلٸم العان. 1973 جىلدان باستاپ مۇحتار ەۋەزوۆ اتىنداعى قازاق ۇلتتىق دراما تەاترىندا ەڭبەك ەتتٸ.
تەاتر ساحناسىندا "انا – جەر-انا", "قاراگٶز", "ەڭلٸك – كەبەك" جەنە باسقا دا قويىلىمداردا باستى رٶلدەردٸ سومدادى.
1982 جىلى قازاق كسر-نٸڭ ەڭبەك سٸڭٸرگەن ەرتٸسٸ اتاعىن الدى.
ٶنەردەگٸ ەڭبەگٸ ٷشٸن 2008 جىلى "قۇرمەت", 2017 جىلى "پاراسات" وردەندەرٸمەن ماراپاتتالدى.
اكتريسا مارقۇم اكتەر قۇمان تاستانبەكوۆپەن وتباسىن قۇرىپ, جٸبەك, توميريس جەنە فارابي ەسٸمدٸ ٷش بالا تەربيەلەپ ٶسٸرگەن.
