تانىمال ەنشٸ ەرٸ اكتريسا ايگٷل يمانباەۆا قىزداردىڭ تۇرمىسقا شىعۋ جاسىنا قاتىستى قوعامدا قالىپتاسقان كٶزقاراستار تۋرالى پٸكٸر بٸلدٸردٸ. ٶنەر يەسٸ ەربٸر ەيەلدٸڭ وتباسىن قۇرۋ مەن انا اتانۋ مەسەلەسٸندە ٶز تاڭداۋىن جاساۋعا قۇقىلى ەكەنٸن ايتتى, دەپ حابارلايدى ult.kz.
ەنشٸ ەلەۋمەتتٸك جەلٸدەگٸ پاراقشاسىندا قىز بالالاردىڭ بەلگٸلٸ بٸر جاسقا كەلگەندە مٸندەتتٸ تٷردە تۇرمىسقا شىعۋى كەرەك دەگەن تٷسٸنٸكپەن كەلٸسپەيتٸنٸن جەتكٸزدٸ. ونىڭ پٸكٸرٸنشە, قوعامنىڭ نەمەسە اينالاسىنداعى ادامداردىڭ قىسىمى ەيەلدٸڭ جەكە ٶمٸرٸنە قاتىستى شەشٸم قابىلداۋىنا ەسەر ەتپەۋٸ تيٸس.
ايگٷل يمانباەۆا ەسٸرەسە بويجەتكەندەردٸڭ جاسىنا بايلانىستى ايتىلاتىن ورىنسىز پٸكٸرلەرگە توقتالدى. ول قىز 18 جاسقا تولعاننان باستاپ تۇرمىسقا شىعۋ مەسەلەسٸ جيٸ قوزعالىپ, 25 جاسقا كەلگەندە اينالاسىنداعىلاردىڭ الاڭداۋشىلىعى كٷشەيەتٸنٸن اتاپ ٶتتٸ.
"قىزدىڭ قاشان تۇرمىسقا شىعاتىنىن, قاشان انا اتاناتىنىن قوعامداعى جالپى پٸكٸر ەمەس, قىزدىڭ ٶزٸ شەشەدٸ. سەبەبٸ بٸزدٸڭ قوعامدا بٸر قالىپتاسقان ستەرەوتيپ بار. قىز ون سەگٸزگە كەلسە: “نەگە بۇل كٷيەۋگە تيمەيدٸ?” دەيدٸ. جيىرما بەسكە كەلسە: “ويباي, مىنا قىزىم قارتايدى, قاشان تەڭٸن تابادى?” دەپ جاتادى", – دەدٸ ٶنەر يەسٸ.
اكتريسا مۇنداي پٸكٸرلەردٸڭ قىزداردىڭ ەركٸن تاڭداۋ جاساۋىنا كەدەرگٸ كەلتٸرەتٸنٸن ايتىپ, اتا-انالار مەن قوعام ٶكٸلدەرٸن قالىپتاسقان تٷسٸنٸككە باسقاشا قاراۋعا شاقىردى.
"“كەرٸسٸڭ” دەگەن دە بٸر ستەرەوتيپ بار. اتا-انا بولسىن, قوعامنىڭ پٸكٸرٸ بولسىن, مەنٸڭ جەكە كٶزقاراسىم بويىنشا, بۇل دۇرىس ەمەس", – دەپ تٷيٸندەدٸ ەنشٸ.
ايگٷل يمانباەۆانىڭ جازباسى ەلەۋمەتتٸك جەلٸدە قىزۋ تالقىلاندى. پٸكٸر بٸلدٸرۋشٸلەردٸڭ بٸر بٶلٸگٸ ونىڭ كٶزقاراسىن قولداپ, قىز بالانىڭ الدىمەن بٸلٸم الىپ, كەسٸبي جەنە تۇلعالىق تۇرعىدان دامۋىنا مٷمكٸندٸك بەرۋ قاجەت ەكەنٸن جازدى.
"دۇرىس ايتاسىز! قىزىمنىڭ جاسى 24-تە. جان-جاقتىلارىم “تۇرمىسقا بەر” دەپ مازا بەرمەيدٸ. وقىسىن, توقىسىن, ەرٸ قاراي دامىسىن!" – دەپ جازدى جەلٸ قولدانۋشىلارىنىڭ بٸرٸ.
تاعى بٸر وقىرمان قىزداردىڭ وتباسىن قۇرۋعا اسىقپاۋى كەرەكتٸگٸن ايتىپ, 25–28 جاستا تۇرمىسقا شىعۋدى قالىپتى جاعداي دەپ سانايتىنىن جەتكٸزگەن.
وسىلايشا, ەنشٸنٸڭ پٸكٸرٸ ەلەۋمەتتٸك جەلٸدە ەيەلدەردٸڭ جەكە تاڭداۋى, نەكەگە تۇرۋ جاسى جەنە قوعامنىڭ قىز بالالارعا قوياتىن تالاپتارى تۋرالى تالقىلاۋعا ۇلاستى.
ايگٷل يمانباەۆا كٸم?
ايگٷل سەرٸكقۇلقىزى يمانباەۆا – قازاقستاندىق تانىمال ەنشٸ, اكتريسا, تەلەجٷرگٸزۋشٸ جەنە قازاقستاننىڭ ەڭبەك سٸڭٸرگەن قايراتكەرٸ. ول 1977 جىلى 15 ناۋرىزدا جامبىل وبلىسى قورداي اۋدانىنداعى كەنەن اۋىلىندا دٷنيەگە كەلگەن.
بالا كەزٸنەن ٶنەرگە قىزىعۋشىلىق تانىتىپ, مۋزىكا مەكتەبٸندە بايان اسپابىن مەڭگەرگەن. 1994 جىلى تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىنا تٷسٸپ, 1998 جىلى وقۋىن اياقتاعان.
ەڭبەك جولىن جٷسٸپبەك ەلەبەكوۆ اتىنداعى ەسترادالىق-تسيرك كوللەدجٸندە وقىتۋشى بولىپ باستاعان. كەيٸن عابيت مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىندا اكتريسا رەتٸندە قىزمەت اتقارعان. 2001 جىلى "حابار" تەلەارناسىنداعى "ۇيات بولماسىن" باعدارلاماسىنا قاتىسىپ, كٶپشٸلٸككە كەڭٸنەن تانىلدى.
2004 جىلى حالىقارالىق "ازييا داۋىسى" بايقاۋىنىڭ "قازاق ەندەرٸ" اتالىمىندا باس جٷلدەنٸ جەڭٸپ الدى. 2006 جىلى "دارىن" مەملەكەتتٸك جاستار سىيلىعىنىڭ لاۋرەاتى اتانىپ, 2011 جىلى الماتىدا ٶزٸنٸڭ "ا.ي" تەاترىن اشتى. ال 2015 جىلى ٶنەر سالاسىنا قوسقان ٷلەسٸ ٷشٸن "قازاقستاننىڭ ەڭبەك سٸڭٸرگەن قايراتكەرٸ" قۇرمەتتٸ اتاعىنا يە بولدى.
