قازاقستاندىق شوۋ-بيزنەس ٶكٸلدەرٸ اراسىندا جۇبايىنا قىمبات اۆتوكٶلٸك سىيلاۋ تاڭسىق جاعداي ەمەس. بٸرٸ جارىنىڭ تۋعان كٷنٸنە توسىنسىي جاساسا, ەندٸ بٸرٸ وتباسىلىق مەرەكەگە وراي سۋ جاڭا تەمٸر تۇلپار تارتۋ ەتكەن. تٸپتٸ قۇنى 100 ميلليون تەڭگەدەن اساتىن كٶلٸك سىيلاعان تانىمال ازاماتتار دا بار, دەپ حابارلايدى ult.kz.
سوڭعى جىلدارى وتاندىق ٶنەر ٶكٸلدەرٸ وتباسىنداعى قۋانىشتى سەتتەرٸن ەلەۋمەتتٸك جەلٸ ارقىلى جيٸ بٶلٸسەتٸن بولدى. ەسٸرەسە جۇبايلارىنا اۆتوكٶلٸك سىيلاعان ەنشٸلەر مەن تانىمال تۇلعالاردىڭ بەينەجازبالارى جەلٸ قولدانۋشىلارىنىڭ نازارىن اۋدارىپ كەلەدٸ.
وسى ورايدا جارىنا باعالى كٶلٸك سىيلاعان قازاقستاندىق جۇلدىزدارعا توقتالايىق.
سەرٸك يبراگيموۆ – 100 ميلليون تەڭگەلٸك اۆتوكٶلٸك
2025 جىلدىڭ قاڭتارىندا تانىمال ەنشٸ سەرٸك يبراگيموۆ پەن جۇبايى اينامكٶز ەبدٸماەۆا جاڭا اۆتوكٶلٸكتەرٸن كٶپشٸلٸككە كٶرسەتتٸ.
ەنشٸنٸڭ جارى ەلەۋمەتتٸك جەلٸدەگٸ پاراقشاسىندا وتباسىلارىنا بٸردەن ەكٸ كٶلٸك العاندارىن جارييالاعان. ەرلٸ-زايىپتى اق جەنە قارا تٷستٸ تەمٸر تۇلپارلارىمەن سۋرەتكە تٷسكەن.
كەيٸن سەرٸك يبراگيموۆ جۋرناليستەردٸڭ كٶلٸك باعاسىنا قاتىستى سۇراعىنا جاۋاپ بەرٸپ, ٶزٸنٸڭ اۆتوكٶلٸگٸ 100 ميلليون تەڭگە تۇراتىنىن ايتقان. بۇل جايت كٶپشٸلٸكتٸڭ نازارىن اۋدارىپ, شوۋ-بيزنەس ٶكٸلدەرٸنٸڭ قىمبات كٶلٸك ساتىپ الۋى ەلەۋمەتتٸك جەلٸدە تالقىلانعان.
تٶرەعالي تٶرەەلٸ – Lexus RX 300
بەلگٸلٸ ەنشٸ تٶرەعالي تٶرەەلٸ دە جۇبايى تولقىن تۇراربەكقىزىن باعالى سىيلىقپەن قۋانتقان.
ٶنەر يەسٸ جارىنا Lexus RX 300 اۆتوكٶلٸگٸن تارتۋ ەتكەن.
ەنشٸنٸڭ ايتۋىنشا, بۇل كٶلٸكتٸڭ ولاردىڭ وتباسىلىق ٶمٸرٸندە ٶزٸندٸك ورنى بار. تٶرەعالي مەن تولقىن قىز-جٸگٸت بولىپ جٷرگەن ۋاقىتتا دا بولاشاق جارى دەل وسىنداي مودەلدەگٸ اۆتوكٶلٸكتٸ مٸنگەن ەكەن. سوندىقتان ەنشٸ بۇل جولى دا جۇبايىنا ەستەلٸكتەرٸمەن بايلانىستى تەمٸر تۇلپار سىيلاۋدى جٶن كٶرگەن.
ەبدٸجاپپار ەلقوجا – تۋعان كٷنگە توسىنسىي
2023 جىلى ەنشٸ ەبدٸجاپپار ەلقوجا جۇبايىنىڭ تۋعان كٷنٸنە ەرەكشە سىيلىق دايىنداعان.
ٶنەر يەسٸ دوستارىمەن بٸرگە جارىنا گٷل شوقتارىن ۇسىنىپ, كەيٸن اۆتوكٶلٸك تارتۋ ەتكەن.
ەنشٸ بۇل قۋانىشتى سەتتٸڭ وتباسىن قۇرعاندارىنا توعىز جىل تولۋىمەن دە بايلانىستى ەكەنٸن جەتكٸزگەن.
ەبدٸجاپپار بۇعان دەيٸن جۇمىسباستىلىق سالدارىنان جارىنىڭ تۋعان كٷنٸندە ەردايىم جانىندا بولا بەرمەگەنٸن ايتىپ, وسى جولى ەرەكشە قۋانتقىسى كەلگەنٸن جاسىرماعان.
توقتار سەرٸكوۆ – بەيبٸت سەيدۋاليەۆاعا كٶلٸك سىيلادى
2025 جىلدىڭ ماۋسىمىندا ەنشٸ توقتار سەرٸكوۆ جۇبايى بەيبٸت سەيدۋاليەۆاعا اۆتوكٶلٸك تارتۋ ەتتٸ.
قۋانىشتى جاڭالىقتى بەيبٸت سەيدۋاليەۆا ەلەۋمەتتٸك جەلٸدە جارييالاعان.
ول وتباسىلىق گاراجعا تاعى بٸر كٶلٸك قوسىلعانىن ەزٸلمەن ايتىپ, سىيلىققا ريزا بولعانىن بٸلدٸرگەن. دەگەنمەن اۆتوكٶلٸكتٸڭ ناقتى مودەلٸ مەن قۇنى جارييالانباعان.
كەنجەبەك جانەبٸلوۆ – جۇبايىنىڭ ارمانىن ورىندادى
"مۋزارت" توبىنىڭ ەنشٸسٸ كەنجەبەك جانەبٸلوۆ تە جۇبايىنا جاڭا اۆتوكٶلٸك سىيلاعان ٶنەر يەلەرٸنٸڭ قاتارىندا.
2024 جىلدىڭ قىركٷيەگٸندە ەنشٸ بۇل قۋانىشىن ەلەۋمەتتٸك جەلٸدەگٸ وقىرماندارىمەن بٶلٸسكەن.
ول جارىنا سۋ جاڭا كٶلٸك سىيلاپ, ارمانداردىڭ ورىندالاتىنىن ايتقان. وتباسىلىق قۋانىشتى سەت كٶپشٸلٸكتٸڭ جىلى پٸكٸرٸنە يە بولعان.
Kalifarniya – "اسٷيدٸڭ چەمپيونىنا" سىيلىق
Kalifarniya لاقاپ اتىمەن تانىلعان ەنشٸ فارحاد قاليەۆ 2024 جىلى جۇبايىنا اۆتوكٶلٸك سىيلاعان. ول بۇل شەشٸمٸنە پاريج وليمپياداسىندا جەڭٸمپازدارعا كٶلٸك سىيلاۋ دەستٷرٸ ەسەر ەتكەنٸن ەزٸلمەن جەتكٸزگەن.
ەنشٸ ٶز جارىن "اسٷيدٸڭ چەمپيونى" دەپ اتاپ, وعان كٷتپەگەن جەردەن سۋ جاڭا تەمٸر تۇلپار تارتۋ ەتكەن. ونىڭ ايتۋىنشا, جۇبايى مۇنداي توسىنسىي بولاتىنىن الدىن الا بٸلمەگەن.
قايرات ەدٸلگەرەي – جارىنا ۇناعان كٶلٸكتٸ ساتىپ الدى
تانىمال اكتەر ەرٸ ەزٸلكەش قايرات ەدٸلگەرەي دە جۇبايى باقىت تۇرمانعا اۆتوكٶلٸك سىيلاعان.
2023 جىلى ٶنەر يەسٸ جارى كٶپتەن بەرٸ ارمانداپ جٷرگەن كٶلٸكتٸ الىپ بەرگەن.
ولاردىڭ ايتۋىنشا, بۇل ساتىپ الۋ الدىن الا جوسپارلانعان. باقىت تۇرمان جاڭا تەمٸر تۇلپارىنىڭ تٷسٸ مەن سالونىن ەرەكشە ۇناتقانىن ەلەۋمەتتٸك جەلٸدە بٶلٸسكەن.
ارمان جاناليەۆ – جۇبايىنا جاڭا كٶلٸك
2026 جىلدىڭ ناۋرىزىندا ەزٸلكەش ارمان جاناليەۆ جۇبايىنا قىمبات اۆتوكٶلٸك تارتۋ ەتتٸ.
ول قۋانىشتى سەتتٸ بەينەجازباعا تٷسٸرٸپ, ەلەۋمەتتٸك جەلٸدە جارييالاعان.
ەزٸلكەش وتباسىلىق گاراجعا تاعى بٸر كٶلٸك قوسىلعانىن ايتىپ, وقىرماندارىمەن قۋانىشىن بٶلٸسكەن.
