قازاقستاندىق "جٸگٸتتەر" توبىنىڭ مٷشەسٸ مىرزاحان ماحانوۆ ٷيلەندٸ. ٶنەر يەسٸنٸڭ ٶمٸرٸندەگٸ قۋانىشتى جاڭالىقتى ەرٸپتەسٸ باعلان ەبدٸرايىموۆ كٶپشٸلٸكپەن بٶلٸستٸ, دەپ حابارلايدى ult.kz.
باعلان ەبدٸرايىموۆ ەلەۋمەتتٸك جەلٸدەگٸ پاراقشاسىندا مىرزاحان ماحانوۆتىڭ ٷيلەنۋ تويىنان بەينەجازبا جارييالاپ, جاس جۇبايلارعا ٸزگٸ تٸلەگٸن جەتكٸزدٸ.
تويدان تاراعان كادرلار ەلەۋمەتتٸك جەلٸ قولدانۋشىلارىنىڭ دا نازارىن اۋداردى. كٶپشٸلٸك ەنشٸنٸڭ شاڭىراق كٶتەرگەنٸنە قۋانىپ, جاڭا ٶمٸرگە قادام باسقان جۇپقا باقىت پەن بەرەكە تٸلەدٸ.
جەلٸدە ٶنەر يەسٸنٸڭ وتباسىلىق ٶمٸرٸندەگٸ ماڭىزدى وقيعاعا قاتىستى جىلى لەبٸزدەر ايتىلىپ جاتىر.
ايتا كەتەيٸك, مىرزاحان ماحانوۆ – كٶپشٸلٸككە "جٸگٸتتەر" توبى ارقىلى تانىلعان ەنشٸ. ۇجىم قازاق ەستراداسىندا ٶزٸندٸك ورنىن قالىپتاستىرىپ, كٶپتەگەن تانىمال ەندەردٸ ورىنداپ كەلەدٸ.
مىرزاحان ماحانوۆ كٸم?
مىرزاحان ماحانوۆ – قازاقستاندىق ەنشٸ, كٶپشٸلٸككە "جٸگٸتتەر" كۆارتەتٸنٸڭ مٷشەسٸ رەتٸندە تانىلعان ٶنەر يەسٸ. ول 1984 جىلى وڭتٷستٸك قازاقستان وبلىسىندا (قازٸرگٸ تٷركٸستان وبلىسى) دٷنيەگە كەلگەن. ەنشٸ 2007 جىلى ەركٸن نۇرجانوۆتىڭ ورنىنا "جٸگٸتتەر" توبىنا قوسىلعان. سودان بەرٸ ۇجىم قۇرامىندا ٶنەر كٶرسەتٸپ, قازاق ەستراداسىندا ٶزٸندٸك ورنىن قالىپتاستىردى.
2025 جىلى "Qazaqstan" تەلەارناسىنىڭ "بەرەكەلدٸ" باعدارلاماسىنا بەرگەن سۇحباتىندا مىرزاحان بالالىق شاعىندا كٶرگەن قيىندىقتارىن ەسكە العان. ونىڭ ايتۋىنشا, ەكەسٸ ەرتە قايتىس بولىپ, وتباسىنىڭ بار جاۋاپكەرشٸلٸگٸ اناسىنا جٷكتەلگەن. تۇرمىستىق قيىندىقتارعا بايلانىستى ەنشٸ جاستايىنان ەڭبەك ەتٸپ, دەمحانالاردا ەن ايتىپ, تابىس تابۋعا مەجبٷر بولعان.
سونداي-اق ول بالا كەزٸنەن ەن ٶڭدەۋدٸ ٷيرەنٸپ, مۋزىكالىق قابٸلەتٸن دامىتقان.
2017 جىلى داۋىس بايلامدارىنا زاقىم كەلۋٸنە بايلانىستى رەسەيدٸڭ سانكت-پەتەربۋرگ قالاسىندا وتا جاساتقان.
ٶنەردەگٸ قيىندىقتارعا قاراماستان, مىرزاحان ماحانوۆ "جٸگٸتتەر" كۆارتەتٸمەن شىعارماشىلىق جولىن جالعاستىرىپ كەلەدٸ.
