ەلەۋمەتتٸك جەلٸدە اقبايان مۇقانعاليەۆانىڭ تۋىسى اقباياننىڭ دەنساۋلىعىنا بايلانىستى قارجىلاي كٶمەككە مۇقتاج ەكەنٸن جەتكٸزدٸ. ول ەمدەلۋگە قاراجات جينالىپ جاتقانىن Instagram پاراقشاسىندا جارييالادى, دەپ حابارلايدى ult.kz.

اقبايان مۇقانعاليەۆانىڭ Instagram جەلٸسٸندەگٸ ستوريسٸندە ەمگە 500 مىڭ تەڭگە جينالعانىن مەلٸمدەدٸ. سونىمەن قاتار ەمدەلۋگە ەلٸ دە قارجىلاي قولداۋ قاجەت ەكەنٸن ايتتى.

"اقبايان ەمٸنە 500 000 تەڭگە جينالدى. قارجىلاي كٶمەك كەرەك", – دەلٸنگەن جارييالانعان جازبادا.

جازبادا ەمدەلۋگە قاجەتتٸ جالپى قاراجات كٶلەمٸ مەن جينالعان سومادان بٶلەك تاعى قانشا اقشا كەرەكتٸگٸ كٶرسەتٸلمەگەن.

ايتا كەتەيٸك, اقبايان مۇقانعاليەۆانىڭ تۋىسى ەسەرلٸ جازبا جارييالادى.

اقبايان مۇقانعاليەۆا كٸم?

 اقبايان مۇقانعاليەۆا – اتىراۋ وبلىسىنىڭ جانگەلدين اۋىلىندا بولعان, تٶرت ادامنىڭ ٶمٸرٸن قيعان قىلمىستىق وقيعادان كەيٸن كٶپشٸلٸكتٸڭ نازارىنا ٸلٸككەن بەس بالانىڭ اناسى.

ونىڭ بۇرىنعى كٷيەۋٸ سۇلتان سەرسەماليەۆ اقباياننىڭ اتا-اناسى مەن ەكٸ باۋىرىن ٶلتٸرگەنٸ ٷشٸن ٶمٸر بويىنا باس بوستاندىعىنان ايىرىلعان.

تەرگەۋ بارىسىندا اقباياننىڭ بۇل قىلمىسقا قاتىسى جوق ەكەنٸ انىقتالىپ, وعان قاتىستى قوزعالعان ٸس توقتاتىلدى.

قايعىلى وقيعادان كەيٸن اقبايان پسيحيكالىق دەنساۋلىق ورتالىعىندا ەم قابىلداعان. كەيٸن اۋرۋحانادان شىعىپ, جاقىندارىنىڭ قامقورلىعىنا ورالدى.

قازٸر ونىڭ باستى ارمانى – دەنساۋلىعىن قالپىنا كەلتٸرٸپ, ۋاقىتشا ارنايى مەكەمەلەرگە ورنالاستىرىلعان بەس بالاسىن ٶز تەربيەسٸنە الۋ.