Áleýmettik jelide Aqbaian Muqanǵalievanyń týysy Aqbaiannyń densaýlyǵyna bailanysty qarjylai kómekke muqtaj ekenin jetkizdi. Ol emdelýge qarajat jinalyp jatqanyn Instagram paraqshasynda jariialady, dep habarlaidy ult.kz.

Aqbaian Muqanǵalievanyń Instagram jelisindegi storisinde emge 500 myń teńge jinalǵanyn málimdedi. Sonymen qatar emdelýge áli de qarjylai qoldaý qajet ekenin aitty.

"Aqbaian emine 500 000 teńge jinaldy. Qarjylai kómek kerek", – delingen jariialanǵan jazbada.

Jazbada emdelýge qajetti jalpy qarajat kólemi men jinalǵan somadan bólek taǵy qansha aqsha kerektigi kórsetilmegen.

Aita keteiik, Aqbaian Muqanǵalievanyń týysy áserli jazba jariialady.

Aqbaian Muqanǵalieva kim?

 Aqbaian Muqanǵalieva – Atyraý oblysynyń Jangeldin aýylynda bolǵan, tórt adamnyń ómirin qiǵan qylmystyq oqiǵadan keiin kópshiliktiń nazaryna ilikken bes balanyń anasy.

Onyń burynǵy kúieýi Sultan Sársemaliev Aqbaiannyń ata-anasy men eki baýyryn óltirgeni úshin ómir boiyna bas bostandyǵynan aiyrylǵan.

Tergeý barysynda Aqbaiannyń bul qylmysqa qatysy joq ekeni anyqtalyp, oǵan qatysty qozǵalǵan is toqtatyldy.

Qaiǵyly oqiǵadan keiin Aqbaian psihikalyq densaýlyq ortalyǵynda em qabyldaǵan. Keiin aýrýhanadan shyǵyp, jaqyndarynyń qamqorlyǵyna oraldy.

Qazir onyń basty armany – densaýlyǵyn qalpyna keltirip, ýaqytsha arnaiy mekemelerge ornalastyrylǵan bes balasyn óz tárbiesine alý.